Edouard Garnich

Den Edouard Garnich, gebuer den 19. September 1869 zu Alzeng, a gestuerwen den 18. Januar 1949 an der Stad Lëtzebuerg^[1], war e lëtzebuergesche kathoulesche Geeschtlechen.

Edouard Garnich
Gebuer	18. September 1869 Alzeng
Gestuerwen	18. Januar 1949 Lëtzebuerg
Nationalitéit	Lëtzebuerg
Aktivitéit	Geeschtlechen

Hie war Apostoulesche Protonotar, Propst vun der Stater Kathedral, Generalvikar a Bistumssekretär vun der Diözees Lëtzebuerg.

Liewen

Den Edouard Garnich gouf 1895 zum Priister geweit a gouf Kaploun zu Kielen an 1897 zu Dummeldeng. 1900 gouf en Zweete Bistumssekretär a Militäraumonier; an dat Joer drop éischte Bistumssekretär, wat en ënner 3 Bëscheef blouf. 1911 gouf en zum Éieren-Doumhär ernannt, 1916 zum Doumkapitular an 1935 zum Doumprobst. 1933 gouf e Peepstleche Geheimkämmerer, an 1948 Apostoulesche Protonotar.

1935 gouf hie President vum Verwaltungsrot vun der Sankt-Paulus Dréckerei, an 1946 gouf en zum Generalvikar vun der Diözees Lëtzebuerg ernannt.

Hien ass am Wanter 1948 onglécklech gefall, an ass un der Folleg vun där Verletzung gestuerwen.

Zu Alzeng gouf eng Strooss no him genannt.^[2]

Gielercher

• Commandeur vum Ordre de Mérite civil et militaire d'Adolphe de Nassau

• Officier vum Ordre de la couronne de chêne
• Officier vum Ordre de Léopold

Referenzen

1. Quell, wou net anescht uginn: "Monseigneur Edouard Garnich †." In: Luxemburger Wort, 1949. Jg., nº 19 (19.01.1949), p. 3 [Digitised by the National Library of Luxembourg].
2. L-5892