Endemismus

Endemismus ass e Fachausdrock aus der Biologie oder Biogeographie a beschreift den Ëmstand, datt et e Liewewiesen nëmmen op enger ganz bestëmmter Plaz gëtt. Dat ass e Phenomeen, deen ee virun allem op isoléierte Plaze fënnt. Dobäi kann et sech ëm Inselen handelen, wéi z. B. d'Galápagosinselen, awer och ëm Hielen oder Biergregiounen, well och déi deemno méi schwéier z'erreeche sinn. Et schwätzt een awer och op Kontinenter vun Endemitten, wéi zum Beispill de Koala an Australien.

Endemismus ass proportionell zur Isolatioun: Wat eng Plaz méi ofgeleeën a schwéier erreechbar ass, ëmsou méi Endemismus kann observéiert ginn.

Endemismus zu Lëtzebuerg

Zu Lëtzebuerg gëlle follgend Aarten als endeemesch:

• Planzen:
  • Taraxacum leucosquameum
  • † Taraxacum rivulare
• Déieren:
  • Superodontella euro
  • Eosentomon umbrosum
  • Eosentomon paucrum
  • Hymenaphorura arantiana
  • Kalaphorura ludzaki
  • Orchesella hoffmanni
  • Orchesella erpeldingae
  • Protaphorura eichhorni
  • Micropsectra calcifontis
  • Micropsectra robusta
  • Leucaspis fulchironiae
  • Camptochaeta luxemburgensis

Um Spaweck

Commons: Endemismus – Biller, Videoen oder Audiodateien