Eurovision Song Contest 2000
45. Editioun vum Eurovision Song Contest From Wikipedia, the free encyclopedia
Remove ads
De 45. Eurovision Song Contest war den 13. Mee 2000 a Schweden. Organiséiert gouf d'Eurovisioun dat Joer an der Globenarena zu Stockholm. Presentateure waren d'Kattis Ahlström an den Anders Ludin.
Fir d'Zuel vun de Länner ze reduzéiere sinn d'Plaze vun de leschte 5 Joer gekuckt ginn an déi mat de mannste Punkte hu missen e Joer Paus maachen. Betraff vun dëser Reegel ware Polen, Portugal, Slowenien, Litauen a Bosnien an Herzegowina. Lëtzebuerg huet scho wéi déi 6 Joer virdru fräiwëlleg drop verzicht fir matzemaachen. Och Italien, Ungarn, Griicheland an d'Slowakei hu fräiwëlleg net matgemaach. Lettland ass nei derbäikomm. Am Ganze ware 24 Länner derbäi.
Verschidden Interprete hate scho virdrun eng Kéier matgemaach, den Alexandros Panayi (Deel vu Voice) fir Zypern 1995, de Serafín Zubiri fir Spuenien 1992 an de Roger Pontare fir Schweden 1994.
D'Reegel fir d'Ofstëmmung ass d'selwecht bliwwe wéi déi Jore virdrun, allerdéngs ass an de meeschte Länner den Televoting duerch d'Spectateure benotzt gi fir ofzestëmme mat Ausnam vu Russland, der Republik Mazedonien, der Tierkei a Rumänien, wou nach eng Jury d'Ofstëmmung gemaach huet. Holland huet wéinst enger Feierkatastroph zu Enschede d'Iwwerdroung ofgebrach an huet fir d'Ofstëmmung dunn op eng Jury zeréckgegraff. All Land huet duerch d'Ofstëmmung 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Stockholm matgedeelt ginn.
Déi éischt Plaz krut d'Vertrieder vun Dänemark, d'Olsen Brothers mat 40 Punkte Virsprong virun der Alsou (Russland). Déi drëtt Plaz krut d'Grupp Brainstorm, déi fir Lettland ugetruede war.
Fir Dänemark war et déi zweet Kéier datt et de Grand Prix gewonnen hat.
Fir déi éischt Kéier ass och eng CD mat alle Lidder vum Grand Prix verëffentlecht ginn.
Remove ads
Klassement
Déi rout markéiert Länner hunn am Joer drop (2001) wéinst hirem schlechte 5-Jores-Duerchschnëtt missen aussetzen.
Remove ads
Um Spaweck
 |
Commons: Eurovision Song Contest 2000 – Biller, Videoen oder Audiodateien |
Wikiwand - on
Seamless Wikipedia browsing. On steroids.
Remove ads