Freddy Quinn

De Freddy Quinn, gebuer de 27. September 1931 zu Wien^[1], ass en éisträichesche Schlagersänger a Schauspiller, deen an Däitschland aktiv geschafft huet.

Freddy Quinn
Gebuertsnumm	Franz Eugen Helmuth Manfred Nidl
Gebuer	27. September 1931
Nationalitéit	Éisträich
Aktivitéit	Sänger, Zirkusartist, Filmschauspiller, Gittarist, Discographesche Kënschtler, Komponist
Gielercher	Verdienstkreuz 1. Klasse, Großes Ehrenzeichen für Verdienste um die Republik Österreich

De Freddy Quinn (1971).

Mat Titele wéi Heimweh, Heimatlos, Der Legionär, Die Gitarre und das Meer, Unter fremden Sternen, La Paloma a Junge komm bald wieder hat hien tëscht 1956 an 1966 zéng Nummer-1-Hitten an de westdäitschen Charts (am Ganze stoung hien 23-mol an den däitschen Top-Ten) a war an där Zäit deen Interpret an Däitschland mat dem gréisste Succès. Hien huet iwwer 60 Millioune Placke verkaf an zielt bis haut nieft dem Udo Jürgens an dem Peter Alexander zu den erfollegräichste Schlagerstaren an Däitschland an an Éisträich. 1956 huet hien Däitschland beim Eurovision Song Contest mam Lidd "So geht das jede Nacht" vertrueden.

Seng Lidder sinn dacks melancholesch a ginn iwwer d'Mier an déi wäit Welt, iwwer Äddi-Soen, Verlaangeren an Eleng-Sinn. Komponéiert goufe se ë. a. vum Bert Kaempfert, Lotar Olias, Ernst Bader an James Last.

Hien huet, virun allem an der éischter Hallschecht vun den 1960er Joren, och an enger Rëtsch Filmer matgespillt, déi dacks op hien als Haaptpersoun ausgeriicht waren (den Haaptpersonnage huet Freddy geheescht).

Filmographie

Kino

als Schauspiller

De Freddy Quinn, 1985

• 1957: Die große Chance, - Regie: Hans Quest - Haaptacteuren: Walter Giller, Gardy Granass, Michael Cramer
• 1958: Heimatlos, - Regie: Herbert B. Fredersdorf - Haaptacteuren: Marianne Hold, Rudolf Lenz, Peter Weck
• 1959: Freddy, die Gitarre und das Meer, - Regie: Wolfgang Schleif - Haaptacteuren: Corny Collins, Sabina Sesselmann, Peter Carsten
• 1959: Freddy unter fremden Sternen, - Regie: Wolfgang Schleif - Haaptacteuren: Gustav Knuth, Vera Tschechowa, Dieter Eppler
• 1960: Freddy und die Melodie der Nacht, - Regie: Wolfgang Schleif - Haaptacteuren: Heidi Brühl, Peter Carsten, Kai Fischer
• 1960: Weit ist der Weg, - Regie: Wolfgang Schleif - Haaptacteuren: Ingeborg Schöner, Leon Askin
• 1961: Nur der Wind, - Regie: Fritz Umgelter - Haaptacteuren: Gustav Knuth, Cordula Trantow
• 1961: Freddy und der Millionär, - Regie: Paul May - Haaptacteuren: Grit Boettcher, Heinz Erhardt, Hubert von Meyerinck
• 1962: Freddy und das Lied der Südsee, - Regie: Werner Jacobs - Haaptacteuren: Jacqueline Sassard, Gunnar Möller, Albert Lieven
• 1963: Heimweh nach St. Pauli, - Regie: Werner Jacobs - Haaptacteuren: Jayne Mansfield, Beppo Brem, Bill Ramsey
• 1964: Freddy und das Lied der Prärie, - Regie: Sobey Martin - Haaptacteuren: Rik Battaglia, Beba Loncar, Trude Herr
• 1964: Freddy, Tiere, Sensationen, - Regie: Karl Vibach - Haaptacteuren: Marisa Solinas, Peter Mosbacher, Ingrid van Bergen
• 1971: Haie an Bord, - Regie: Arthur Maria Rabenalt - Haaptacteuren: Karin Dor, Werner Pochath
• 1983: Die wilden Fünfziger, - Regie: Peter Zadek - Haaptacteuren: Juraj Kukura, Boy Gobert, Christine Kaufmann

Gielercher

• Großes Ehrenzeichen für Verdienste um die Republik Österreich^[2].
• Bundesverdienstkreuz 1. Klasse

Referenzen

1. "Der Mann den es nie gab". Der Spiegel Nr 22, 24.05.2025, S.114,
2. Lëscht vun de Persounen déi tëscht 1952 an 2012 d'Ehrenzeichen für Verdienste um die Republik Österreich kruten