Herman Berkien

Den Herman Berkien, gebuer de 15. Juni 1942 als Hermannus Antonius Berkien zu Utrecht an Holland, a gestuerwen den 22. Juni 2005 zu Utrecht, war en hollänneschen Entertainer a Sänger

Herman Berkien
Gebuer	15. Juni 1942 Utrecht
Gestuerwen	22. Juni 2005
Nationalitéit	Holland
Aktivitéit	Sänger, Kabarettist

De Berkien ass an Holland besonnesch bekannt gewiescht wéinst senge Schallplacken mat Lidder an der Mondaart vu senger Heemechtsstad iwwer de Foussball-Club FC Utrecht. Ufanks der 70er Joren ass hien och op d'Theaterbün geklommen. A ville Kamédistécker war d'Tineke Schouten säi Partner.

Dee gréisste Succès hat en 2001, wéi den FC Utrecht sech fir d'UEFA-Coupe qualifizéiert hat, an de Berkien säi Lidd Utereg me stadje ("Utrecht, mäi Stiedchen") an Utereg, me kluppje ("Utrecht, mäi Club") ëmgeschriwwen hat.

Fir seng Verdéngschter krut hien 2004 d'Éierespéngel vun der Stad Utrecht.

Den Herman Berkien huet en Häerzinfarkt vum 19. Juni 2005 nëmme kuerz Zäit iwwerlieft.

Um Spaweck

• Alles iwwer de Berkien op Hollännesch