Luc Emering

De Luc Emering, gebuer den 13. Juli 1996^[1], ass e lëtzebuergeschen Agraringenieur a Politiker (DP).

Dësen Artikel iwwer e Politiker ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Luc Emering
Gebuer	13. Juli 1996
Nationalitéit	Lëtzebuerg
Educatioun	Lycée Michel-Rodange, Technesch Héichschoul Bingen
Aktivitéit	Agraringenieur, Politiker
Partei	Demokratesch Partei
Fonctioun	Gemengeconseiller, Schäffen, Deputéierten

Formatioun a Karriär

No senger Première am Lycée Michel Rodange huet de Luc Emering op der Technische Hochschule Bingen^[2] säi Bachelor of Science (B. Sc.) an der Agrarwirtschaft gemaach^[3].

Hie bedreift zesumme mat sengen Elteren zu Sprénkeng de Bioshaff „Dudel-Magie” deen op d'Zille vu Poulete spezialiséiert ass^[4]. A senger Fräizäit restauréiert hien al Trakteren^[3].

Politesch Karriär

De Luc Emering ass zanter 2016 Member an der Lëtzebuerger Landjugend a Jongbaueren, Süden asbl an zanter 2018 Member am Nationalkommitee vun der Lëtzebuerger Landjugend a Jongbaueren^[5]. Vun 2020 u war hien – zesumme mat der Angèle Mersch – Copresident vun där Asbl^[3]. Uganks 2023 huet hien dee Posten opginn^[6].

Bei de Gemengewalen 2017 gouf hien an de Gemenegrot vun der Gemeng Dippech gewielt^[7] a bei deene vun 2023 huet hien et an de Schäfferot gepackt^[8].

2023 huet hie fir d'Chamberwale kandidéiert a gouf fir d'DP am Bezierk Süden an d'Chamber gewielt^[9].

Um Spaweck

• Florian Javel, Luc Emering – der Bauer, der keine Selfies macht, wort.lu, 19.10.2023
• De Luc Emering vun der DP am Portrait. rtl.lu, 27.10.2023

Referenzen an Notten

1. (fr) F60 - Modification | Lëtzebuerger Landjugend a Jongbaueren, Süden a.s.b.l.. lbr.lu (26.02.2018). Gekuckt den 10.10.2023.
2. (en) Luc Emering. linkedin.com/. Gekuckt den 10.10.2023.
3. (lb) Virstellung vum neien LLJ-President Luc Emering. Landjugend a Jongbaueren. Gekuckt den 10.10.2023.
4. (de) Cédric Feyereisen, Interview / Deswegen kommt die Biolandwirtschaft in Luxemburg nur schleppend voran. www.tageblatt.lu (29.06.2023). Gekuckt den 10.10.2023.
5. (fr) F602 - Modification | Lëtzebuerger Landjugend a Jongbaueren a.s.b.l.. lbr.lu (08.05.2018). Gekuckt den 10.10.2023.
6. (fr) Législatives 2023: Luc Emering, le jeune agriculteur qui entre à la Chambre. L'essentiel (09.10.2023). Gekuckt den 10.10.2023.
7. (fr) Dippach - Suffrages. elections.public.lu. Gekuckt den 10.10.2023.
8. (lb) Jéngste KandidatIn: DP: Wien ass de Luc Emering?. www.eldo.lu. Gekuckt den 10.10.2023.
9. (fr) Résultats détaillés - Sud. elections.public.lu. Gekuckt den 10.10.2023.