Malcolm Young

De Malcolm Mitchell Young, gebuer de 6. Januar 1953 zu Glasgow a Schottland, a gestuerwen zu Elizabeth Bay den 18. November 2017^[1] war en australesche Museker (Gittarist). Seng Eltere sinn 1969 an Australien ausgewandert, wou hien 1973 d'Rockband AC/DC gegrënnt huet. Säin eelere Brudder George Young war Member vun der Grupp The Easybeats.

Malcolm Young
Gebuertsnumm	Malcolm Mitchell Young
Pseudonym	The Riffmaker
Gebuer	6. Januar 1953 Glasgow
Gestuerwen	18. November 2017 Elizabeth Bay
Doudesursaach	Demenz
Nationalitéit	Australien
Educatioun	Ashfield Boys' High School
Aktivitéit	Gittarist, Liddermécher, Museksproduzent, Museker
Member vun	AC/DC
Famill
Geschwëster	George Young, Alexander Young, Angus Young

De Malcolm Young war ee vun deene wichtegste Leit bei AC/DC well hie Lidder geschriwwen huet an als Leader vun der Grupp gegollt huet. Säi Gittarestil war immens drockvoll an hie gouf vu ville Fannen a Fachjournalisten als beschte Rhythmusgittarist vun der Welt bezeechent. Hie war jorelaang mat Alkoholproblemer geplot.

2014 hat hien annoncéiert, datt hien en Traitement géint Demenz suivéiere géif an datt hien dofir mat AC/DC ophale géif.

Kuckt och

• Lëscht vun de Gittaristen

Um Spaweck

Commons: Malcolm Young – Biller, Videoen oder Audiodateien

Referenzen an Notten

1. Musekswelt an Trauer - Ee Mount no sengem Brudder, Malcolm Young vun AC/DC ass dout op rtl.lu den 18. November 2017