Messier 6

De Messier 6 (och als NGC 6405 bezeechent) ass e 4,2 mag hellen oppene Stärekoup am Ostdeel vum Stärebild Scorpius, nërdlech vum Stär Lesath. De Stärekoup huet eng visuell Ausdeenung vun 33' an ass ronn 1.600 Liichtjoer vun der Äerd ewech. De Messier 6 war schonn an der Antiquitéit bekannt a gëtt heiansdo och Päiperlekskoup genannt. Hien ass a Mëtteleuropa schwéier ze gesinn, awer a südleche Breeten ass et en opfällegen Objet.

Messier 6 Päiperlekskoup
Der Päiperlekskoup Messier 6 Amateurfoto .
Stärebild	Scorpius (Sco)
Positioun fir d'Equinoxe J2000.0
Rektaszensioun	17h 40m 18s
Deklinatioun	−32° 12′
Ausgesinn
Visuell Magnitude	+4,2 magm
Wénkelduerchmiesser	33'
Stären	zirka 80
Hellste Stär	BM Scorpii, +6,17m
Physikalesch Donnéeën
Distanz	zirka 1.600 Lj.(Lj)
Absolutten Duerchmiesser	zirka 12 Lj
Alter	zirka 100 Mio.
Geschicht
Entdecker	G. B. Hodierna
Entdeckungsdatum	1654
Katalog- an Entdeckerbezeechnungen
M	6
NGC	6405
C	1736-321
GC	4318
h	3699
ESO	455-SC030
Cr	341
Lund	769
Mel	178

Entdeckung

Den oppene Stärekoup gouf an der Zäit viru 1654 vum italieeneschen Astronom Giovanni Battista Hodierna entdeckt. Et gëtt ugeholl, datt schonn de Claudius Ptolemäus de Messier 6 bei der Observatioun vum Messier 7 gesi konnt hunn. Dat ass awer net sécher. Onofhängeg dovun observéiert 1745 oder 1746 de Schwäizer Jean-Philippe de Chéseaux de Messier 6. Beim Nicolas-Louis de Lacaille krut hien d'Bezeechnung Lac III 12. Hien hat de Stärekoup 1752 um Kap vun der Gudder Hoffnung observéiert. De Charles Messier huet de Stärekoup den 23. Mee 1764 obsevéiert an huet en als Nummer 6 a säi Katalog agedroen.

Um Spaweck

Commons: Messier 6 – Biller, Videoen oder Audiodateien

• M6 bei SEDS

Portal Astronomie

• Lëscht vun den NGC-Objeten
• Index-Katalog
• Messier-Katalog
• NGC-Katalog

Kaart vum Stärebild Scorpius. Déi rout gestréchelt Linn stellt d'Ekliptik duer. M6 ass Mëtt lénks ze fannen.