Moundphas

Als Moundphase^[1] bezeechent een déi ënnerschiddlech Liichtgestalt vum Äerdmound duerch déi perspektivesch Ännerung vu senger Dag-Nuecht-Grenz relativ zu der Äerd wärend sengem Äerdëmlaf.

• Et ënnerscheet ee Vollmound, ofhuelende Mound, Neimound an zouhuelende Mound.
• Neimound, Vollmound an déi béid Hallefmounde bezeechent een als Haaptphasen.
• Am visuelle Widdersproch zu der allgemenger Bezeechnung Hallefmound – dat ass d'Hallefphas (Dichotomie) – bezéie sech d'Astronomen op de volle Zyklus vum Mound an nennen déi zouhuelend Hallefphas éischt Véirel, déi ofhuelend entspriechend lescht Véirel.
• Déi ganz schmuel Moundséchele bezeechne si als Neiliicht an Alliicht.

Animatioun vun de Moundphasen. Donieft sinn och Äerdno a -wäit als Gréissteschwankung a Libratioun als „Torkelen“ ze beuechten.

Iwwerbléck

Een Ëmlaf vum Äerdmound ronderëm d'Äerd, bei deem de Mound nees déi gläich Stellung zu der Sonn anhëllt, dauert duerchschnëttlech ongeféier 29,53 Deeg (29 Deeg, 12 Stonnen a 43 Minutten) a gëtt synodesche Mount genannt. Hien ass domat knapps e Mount grouss. Tatsächlech si souwuel de Begrëff wéi och d'Längt vun engem Mount vun der synodescher Ëmlafzäit vum Äerdmound ofgeleet.
Déi tatsächlech Längt vun enger eenzeler Period – vun enger Lunatioun – ass zimmlech grousse Schwankungen ënnerworf (kuckt heizou: sideresch Period).

Jee no Stellung vum Mound, der Äerd an der Sonn zoueneen si vun der Äerd aus verschidde Phasewénkele vum Äerdmound z'observéieren. Déi verursaachen déi wiesselnd Gestalte vum Mound um Himmel.

Äerd-Mound-System vun Norden aus gesinn...

De Mound gëtt bei senger Wanderung ëm d'Äerd vun der Sonn ugestraalt. Well de Mound vu sech aus net straalt, ass sou ëmmer nëmmen déi Hallschent beliicht, wou d'Sonn drop schéngt. Jee nodeem, wéi de Mound an d'Sonn grad zouenee stinn, gesi mir ënnerschiddlech vill vun der beliichter Hallschent. D'Positioune vum Mound nennt een: Neimound, éischt Véirel, zouhuelenden Hallefmound (astronomesch: éischt Véirel), zweet Véirel, Vollmound, drëtt Véirel, ofhuelenden Hallefmound (astronomesch: lescht Véirel), lescht Véirel. Wéi mir op der Äerd de Mound dobäi gesinn, gëtt op der ënneschter Graphik däitlech.

... an de Mound aus Siicht vum Norde vun eiser Äerd
	Déi an der Astronomie aktuell Zielung fänkt mat Neimound (1) un.

Legend
	A: Äerd B: Äerdmound C: Ëmlafrichtung vum Mound D: Moundbunn ëm d'Äerd E: Sonnestralen

D'Gréissteverhältnesser vun den Objeten op de Graphiken an hir Ofstänn zueneen entspriechen net deenen natierlechen.

Visualitéit

Tabell vun den Haaptphasen
Moundphas	Datum (MEZ)	Auerzäit (MEZ)
O Vollmound	24. Oktober 2018	17:45:18
0 Lescht Véirel	31. Oktober 2018	17:40:28
0 Neimound	7. November 2018	17:02:11
0 Éischt Véirel	15. November 2018	15:54:29
O Vollmound	23. November 2018	06:39:19
0 Lescht Véirel	30. November 2018	01:18:58
0 Neimound	7. Dezember 2018	08:20:35
0 Éischt Véirel	15. Dezember 2018	12:49:25
O Vollmound	22. Dezember 2018	18:48:46
0 Lescht Véirel	29. Dezember 2018	10:34:33
0 Neimound	6. Januar 2019	02:28:28
0 Éischt Véirel	14. Januar 2019	07:45:35
O Vollmound	21. Januar 2019	06:16:08
0 Lescht Véirel	27. Januar 2019	22:10:37
0 Neimound	4. Februar 2019	22:03:41
0 Éischt Véirel	12. Februar 2019	23:26:14
O Vollmound	19. Februar 2019	16:53:35

De Mound ass eng passiv Liichtquell, dat heescht, hie reflektéiert nëmmen dat Liicht vun der aktiver Liichtquell, der Sonn.

Kuckt och

• Äerdmound

Um Spaweck

Commons: Mondphasen – Biller, Videoen oder Audiodateien

• Ublécks-Duerstellungen (Phenomeenologie):
  • (en) CalSky, Mond – Allgemeng Berechnungen zum Stand vum Mound
  • (en) ephemeriden.com – Moundstand a -phasen; aktuell a Berechnung
  • (de) Die aktuelle Mondphase, www.computus.de – Berechnung vun der Moundphase an der nächster Sonnen- a Mounddäischtert (JavaScript)
  • (de) Ewiger Kalender von 1000 n. Chr. bis 4000 n. Chr., www.rodurago.de – Moundkalenner a Moundphasen.
  • (de) mondphase.stephan-brumme.com – Virtuell Usiicht vun de Moundphasen.
  • (en) malorny.net – Aktuell Moundphas souwéi Berechnung fir een xbeliebegen Datum
  • (de) Astronomy & Photography, Thomas Knoblauch – Algorithmus zu der Berechnung vun de Moundphasen
• Termine (Kalendaresch Daten):
  • (de) The Munich Astro Archive – Moundphasekalenner 1700–2200, och mat Algorithmus no dem Meeus
  • (en) U.S. Naval Observatory – Genee Zäite vun de Moundphasen, zielen allgemeng als Referenzdate.

Referenzen

1. Jörg Mildenberger: Anton Trutmanns 'Arzneibuch', Teil II: Wörterbuch, Würzburg 1997 (= Würzburger medizinhistorische Forschungen, 56), Band V, S. 2229