Nationalstrooss 7A

D'Nationalstrooss 7A oder d'N7A ass eng kuerz Nationalstrooss am Kanton Dikrech um Territoire vun der Gemeng Ettelbréck. Dës Strooss ass néideg well d'N7 zu Ettelbréck op engem Stéck nëmmen an enger Richtung (Sens unique) befuerbar ass.

Nationalstrooss 7A

D'N7A (av. John-F. Kennedy) zu Ettelbréck
Verbindung N7 - N7
Land	Lëtzebuerg
Gestioun	Administration des ponts et chaussées
Ufank	Ettelbréck, Nationalstrooss 7
Koordinaten	49°50'49,24"N, 6°6'15,19"O
Enn	Ettelbréck, Nationalstrooss 7
Koordinaten	49°50'55,32"N, 6°6'19,94"O
Duerch	Ettelbréck
Längt	350 m
Vitesslimitatioun	50 km/h
Informatiounen a Websäiten
P & Ch	Beschreiwung vum Stroossennetz
Fandom	Nationalstrooss 7A

Laf an Uschlëss
Ettelbréck	N 7 Rue du Canal / Rue Prince Henri
	CR 348 Av. Lucien Salentiny
	N 7 Rue de la Gare

Se geet vun der N7 (Kräizung Rue du Canal / Rue Prince Henri) aus an nordwestlecher Richtung fort, leeft parallel mat der Waark bis op d'Héicht vun der Grand Rue an dréint dann no riets a Richtung Osten a leeft iwwer d'Avenue J.F. Kennedy bis s'op der Kräizung mat der Rue de la Gare nees op d'N7 stéisst.

D'N7A ass ronn 350 m laang.

Entwécklung vun der N7A

• Vun den 1940er Jore bis 1958 hat d'Strooss, déi vu Bierschbech duerch den Dall vun der Uelzecht iwwert Kruuchten op d'Colmer Bréck gelaf ass (en Deel vum haitegen CR123), d'Nummer N7A;
• Vun 1958 bis 1995 war d'N7A déi al Streck, déi parallel mat der nei gebauter N7, am Walebroch, tëscht Angelduerf an Dikrech (den haitegen CR359) gelaf ass.

Um Spaweck

Commons: Nationalstrooss 7A – Biller, Videoen oder Audiodateien

• Iwwersiichtskaart vum nationale Stroossereseau op der Internetsäit vun der Bauverwaltung

Referenzen an Notten