Nicolas Meris

Den Nicolas Meris, gebuer den 20. Mäerz 1841 zu Rëmerech^[1] a gestuerwen de 5. Juni 1915 op der Colmer Bréck,^[2] war e lëtzebuergesche Geschäftsmann a Politiker.

Nicolas Meris
Gebuer	20. Mäerz 1841 Rëmerech
Gestuerwen	5. Juni 1915 Colmer Bréck

Hie gouf 1905 als Vertrieder vum Kanton Dikrech an d'Chamber gewielt. Hie gouf 1911 zeréckgewielt a vum 17. Mäerz 1914 (dem Dag op deem de Caspar Mathias Spoo gestuerwen ass) bis zu sengem Doud war de Nicolas Meris Alterspresident vun der Chamber.^[3] Ausserdeem war hie schonn an de Jore virdru Gemengeconseiller zu Schieren.^[4]

Den Nicolas Meris huet 1891 mat Aneren eng Zillefabrick zu Colmer-Bierg iwwerholl, déi zanterdeem Ziegelei Meris & Cie, Diekirch geheescht huet. Si huet bis 1911 bestanen.^[5] De Meris war och Hotelsbesëtzer.^[3]

Well hie fir d'Schoulgesetz vun 1912 gestëmmt hat, huet de Bëschof him e kierchlecht Begriefnes verbueden^[3].

Referenzen

1. MERIS, Nicolas. www.luxracines.lu. Gekuckt den 09.06.2020.
2. Avis mortuaire, Nicolas Meris. www.eluxemburgensia.lu. Tageblatt (7. Juni 1915) Archivéiert den 09.10.2020. Gekuckt den 09.06.2020.
3. Großherzogtum. In: Obermosel-Zeitung, 36. Jg., nº 47 (08.06.1915), p. 3. [Digitised by the National Library of Luxembourg].
4. Meris Nicolas, Colmarbrück - Colmar-Pont. industrie.lu (nogekuckt: 15.12.2025.
5. Fabrique de produits céramiques L. Lejeune & Cie. industrie.lu (nogekuckt: 15.12.2025).