Pierre Messmer

De Pierre-Auguste-Joseph Messmer, gebuer den 20. Mäerz 1916 zu Vincennes am Departement Seine, a gestuerwen den 29. August 2007 am Militärspidol Val-de-Grâce zu Paräis, war e franséische Politiker, Chancelier vum Ordre de la Libération, Éierechancelier vum Institut de France a Member vun der Académie française (1999).

Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Pierre Messmer
De Pierre Messmer zu Trouville de 15. Mäerz 1988
Gebuertsnumm	Pierre Auguste Joseph Messmer
Gebuer	20. Mäerz 1916 Vincennes
Gestuerwen	29. August 2007 5. Arrondissement
Doudesursaach	Kriibs
Nationalitéit	Frankräich
Educatioun	Lycée Louis-le-Grand, Institut national des langues et civilisations orientales
Aktivitéit	Politiker
Partei	Rassemblement pour la République, Union des démocrates pour la République, Union pour la nouvelle République
Fonctioun	Deputéierten, Regionaldeputéierten, Premierminister vu Frankräich, Europadeputéierten, Justizminister vu Frankräich
Member vun	Académie française, Académie des sciences morales et politiques, Rumänesch Akademie
Gielercher	Grand-croix de la Légion d'honneur, Croix de guerre 1939 - 1945, Compagnon de la Libération, Médaille de la Résistance française, Stär vu Rumänien, Grousskräiz vum Sankt-Olav-Uerden

Biographie

Jugend a Studium

De Pierre Messmer staamt aus enger elsässescher Famill aus dem Departement Bas-Rhin, déi kuerz no der Annexioun vun 1871 an d'France de l'intérieur geplënnert ass.

No sengem Baccalauréat zu Paräis, huet de Pierre Messmer 1934 säi Studium op der École nationale de la France d'outre-mer fortgesat, wou en 1937 de Brevet als administrateur colonial krut, a paralell dozou op der École des langues orientales, wou en 1936 diploméiert gouf. 1939 huet en nach een Doktorat am Droit drugehaangen.

Arméiszäit

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Am Zweete Weltkrich war hien Offizéier an de Forces françaises libres. Am August 1945 ass en a Franséisch Indochina am Tonkin parachutéiert ginn. Hie gouf vum Viêt Minh gefaange geholl, konnt awer no zwéi Méint fortlafen a rëm bei d'franséisch Missioun zu Hanoi kommen. Kuerz duerno gouf hien demobiliséiert a war nach Colonel de réserve vun der franséischer Arméi.

Politesch Mandater

Vum 17. Abrëll 1956 bis den 29. Januar 1958 war hien Administrateur colonial vum Kamerun a vun 1960 bis 1969 Verdeedegungsminister an der Regierungszäit vum Charles de Gaulle. 1971, ënner dem President Georges Pompidou, gouf e Ministre d'État chargé des Départements et Territoires d'outre-mer. Vun 1972 bis 1974 war e Premierminister, ëmmer nach ënner dem President Georges Pompidou.

Lokalpolitesch war hie vun 1971 bis 1989 Buergermeeschter vu Sarrebourg.

Publikatiounen (Auswiel)

• Après tant de batailles - Mémoires; Paräis (Albin Michel), 1992.
• Les blancs s'en vont - Récits de décolonisation; Paräis (Albin Michel), 1998.