Pioneer 3

D'Pioneer 3 war eng Raumsond vun der US-amerikanescher Weltraumorganisatioun NASA am Kader vum Pioneer-Programm. Si sollt Fotoe vum Äerdmound maachen, hat awer net déi erfuerderlech Vitess erreecht a war beim Neesantrëtt an Äerdatmosphär vergloust.

Pioneer 3
D'Pioneer 3-Sond
Zil	Biller vun der Mounduewerfläch
Land	USA
Agentur	NASA
Start	6. Dezember 1958, 05:45 UTC
Startplaz	Cape Canaveral AFS Launch Complex 17
Drorakéit	Juno II (Rakéit)
Status	vergloust de 7. Dezember 1958

Opbau

Pioneer 3 bestoung aus enger kegelfërmeger Fiberglasstruktur vun 58 cm Héicht a 25 cm Duerchmiesser. D'Spëtzt war als Antenn ausgebilt. Déi baussenzeg Säit war goldbeschicht, fir s'elektresch leetfäeg ze maachen, a fir d'Thermalkontroll war hat se wäiss Sträifen. D'Sond gouf vu Quecksëlwerbatterien alimentéiert an hat e Sender mat enger Leeschtung vun 0,18 W op 960,05 MHz. Fir d'Reduktioun vun der Spinquot vu 400/min op 6/min waren zwou Masse vu jee 7 g ("Jojo-Massen") op der baussenzeger Säit ugemaach, déi ofgeworf konnte ginn.

Missioun

Pioneer 3 gouf de 6. Dezember 1958 um 05:45 UTC mat enger Juno-II-Rakéit gestart. D'Sond sollt den Äerdmound passéieren an an eng heliozentresch Ëmlafbunn fléien. Si hat awer nëmmen eng Héicht vun 102.360 km erreecht, ier si nees zeréck op d'Äerd gefall war, well de Brennschluss ze fréi war. Als Alternativprogramm gouf d'Van-Allen-Ceinture mat zwéi Geiger-Müller-Zilréier vermooss an d'Ausléise vun der Moundkamera getest.

Kuckt och

• Portal Astronomie
• Pioneer-Programm

Um Spaweck

Commons: Pioneer (Raumsonden-Programm) – Biller, Videoen oder Audiodateien

• Pioneer 3 am Masterkatalog vun der NASA