Rëmerschen

Rëmerschen (lokal: Riemeschen^[1]) ass eng lëtzebuergesch Uertschaft an der Gemeng Schengen.

Rëmerschen Riemeschen
Waassertuerm vu Rëmerschen
Aussprooch
An anere Sproochen	fr: Remerschen de: Remerschen
Land	Lëtzebuerg
Kanton	Réimech
Gemeng	Schengen
Buergermeeschter	Michel Gloden
Awunner	778
	1. Januar 2023
Koordinaten	49° 29’ 18’’ N       06° 21’ 03’’ O

Rëmerschen vu Westen aus de Wéngerte gesinn

D'Kellerei zu Rëmerschen

Vun der "Gemeng Rëmerschen" op d'"Gemeng Schengen"

Wéinst dem héije Bekanntheetsgrad vu Schengen huet de Gemengerot a senger Reunioun vum 18. Januar 2006 decidéiert, eng Ufro ze maachen, fir den Numm vun der Gemeng "Remerschen" a "Schengen" ëmzebenennen. Nom Gemengegesetz (Artikel 3) ass eng Ännerung vum Numm vun enger Gemeng nëmmen iwwer e Gesetz méiglech. De Gesetzesprojet dofir gouf vum Inneministère preparéiert an d'Chamber huet d'Gesetz den 13. Juli 2006 votéiert, wat den 30. August 2006 dunn am Mémorial A N° 150 verëffentlecht gouf. Domat huet den Numm vun der Gemeng den 3. September 2006 vu Rëmerschen op Schengen gewiesselt.

Geschicht

Den Numm "Remsere" gëtt fir d'éischt am Joer 893 ernimmt. Am Laf vun de Joerhonnerten entwéckelt e sech no an no zu dem haitege "Remerschen".

An der Mëtt vun den 1970er Jore stoung Remerschen am Zentrum vun der politescher Debatt, well do geplangt war, eng Atomzentral ze bauen.

Kuckeswäertes

D'Birebamallee tëscht Rëmerschen an Elweng, d'Kierch Rëmerschen mat hirem ale Mobilier an d'Haus op Nr 88 an 88A an der Wäistrooss sinn als Inventaire supplémentaire op der Lëscht vun de klasséierte Monumenter agedroen.

Kuckt och

• Naturschutzgebitt Haff Réimech
• Atomzentral vu Rëmerschen (Projet)
• Kierch Rëmerschen

Um Spaweck

Commons: Rëmerschen – Biller, Videoen oder Audiodateien

• Offiziell Säit vun der Gemeng Schengen

Referenzen

1. Lëscht vun den Uertschaften a Lieu-diten zu Lëtzebuerg. CPLL - Conseil permanent de la langue luxembourgeoise Archivéiert den 11.08.2020. Gekuckt de 14.06.2020.