Surveyor 4

De Surveyor 4 war déi véiert Moundsond vun der US-amerikanescher Raumfaartagentur NASA am Kader vum Surveyor-Programm. De Surveyor-Programm war den Nofollger vum Ranger-Programm. D'Resultater vum Programm sollten déi éischt bemannt Moundlandung virbereeden. De Surveyor 4 sollt onbeschiedegt um Äerdmound landen a vun do Biller an Donnéeën op d'Äerd schécken.

Surveyor 4
Start vun der Surveyor 4
Typ	Moundsond
Missionszil	Virbereedung fir bemannt Moundlandungen
Land	USA
Agentur	NASA
Start	14. Juli 1967, 11:53 UTC
Startplaz	CCAFS LC-36
Drorakéit	Atlas-Centaur AC-10/290D
Enn	17. Juli 1967

Missioun

De Surveyor 4 gouf de 14. Juli 1967 u Bord vun enger Atlas-Centaur-Rakéit vun der Startramp LC-36 vun der Cape Canaveral Air Force Station gestart. No engem normale Fluch hat d'Sond de 17. Juli 1967 de Mound erreecht. Ongeféier dräi Minutte virum geplangten Opsetzen op der Mounduewerfläch waren d'Funksignaler ofgebrach. Weider Beméiungen, nees Kontakt opzehuelen, waren net gelongen. Et gëtt ugeholl, datt d'Sond duerch eng Feelfunktioun explodéiert war.

Kuckt och

Portal Astronomie

Um Spaweck

Commons: Surveyor-Programm – Biller, Videoen oder Audiodateien

• (en) NASA: Surveyor 4
• Beschreiwung vum Surveyor-Programm