TER Alsace

Den TER Alsace ass e Reseau fir de Regionaltrafic vum Typ TER, deen am Elsass vun der SNCF exploitéiert gëtt. Nieft dem Zuchreseau existéiert och nach e Busreseau deen den Zuchreseau op verschiddene Strecken ergänzt, an zwar do wou d'Schinnen dacks schonn net méi leien oder wou sech eng Exploitatioun iwwer d'Schinn net rentéiert.

00	De Contenu vun dësem Kapitel oder dësem Artikel ass net vollstänneg oder net méi aktuell. Hëlleft wgl. mat, en ze komplettéieren oder nees op de leschte Stand ze bréngen.

Logo vum TER Alsace

De Reseau transportéiert eng 60.000 Reesender pro Dag.

Entstanen ass de Reseau als "Metralsace" deen an den 1980er Joren nom Beispill vum loutrengesche Métrolor entwéckelt gouf.

Säit 1997 leescht d'TER Alsace Pionéieraarbecht an der Regionalisatioun vum ëffentlechen Transport. Konzepter wéi den TER 200 dee Stroossbuerg mat 200 Kilometer an der Stonn mat den Agglomeratioune vu Colmar, Mulhouse a Basel verbënnt si wegweisend fir den Transport tëscht moderne Groussstied.

Zanter dem 11. Dezember 2016, gehéiert den TER Alsace zum Reseau vum TER Grand Est drag sou wéi den TER Lorraine an den TER Champagne-Ardenne.

Streckennetz

Plang vum Reseau

Strecken op der Schinn

• Stroossbuerg - Sélestat - Colmar - Mulhouse - Saint-Louis - Basel (TER 200)
• Colmar - Turckheim - Munster - Metzeral
• Stroossbuerg - Haguenau - Niederbronn
• Stroossbuerg - Bischheim - Lauterbourg - Woerth
• Mulhouse - Altkirch - Belfort
• Mulhouse - Cernay - Thann - Kruth
• Sarreguemines - Sarralbe - Sarre-Union
• Stroossbuerg - Haguenau - Wissembourg
• Wissembourg - Neustadt
• Stroossbuerg - Kehl - Offenburg (Metro-Rhin)
• Stroossbuerg - Saverne - Metz
• Stroossbuerg - Fluchhafen Entzheim - Molsheim - Saales - Saint-Dié
• Stroossbuerg - Fluchhafen Entzheim - Molsheim - Obernai - Barr - Sélestat
• Stroossbuerg - Saverne - Sarrebourg - Lunéville - Nanzeg
• Stroossbuerg - Obermodern-Zutzendorf - Sarreguemines - Saarbrécken

Busstrecken

• Cernay - Sewen
• Colmar - Turckheim - Munster - Metzeral
• Colmar - Volgelsheim
• Haguenau - Niederbronn - Bitche
• Haguenau - Obermodern-Zutzendorf - Saverne
• Ingwiller - Wimmenau - Lichtenberg
• Mommenheim - Obermodern-Zutzendorf
• Sarrebourg - Saverne
• Sarre-Union - Sarrebourg
• Frohmuhl - Obermodern-Zutzendorf - Saverne
• Sélestat - Sainte-Marie-aux-Mines - Saint-Dié
• Obermodern-Zutzendorf - Bouxwiller

Material am Asaz

Um Spaweck

Commons: Train stations in Bas-Rhin – Biller, Videoen oder Audiodateien