Tucana (Stärebild)

Den Tukan (lat.: Tucana) ass e Stärebild um südleche Stärenhimmel.

Date vum Stärebild Tucana
Lëtzebuergeschen Numm	Tukan
Laténgeschen Numm	Tucana
Laténgesche Geenitiv	Tucanae
Laténgesch Ofkierzung	Tuc
Positioun	südlechen Himmel
Rektaszensioun	22h 08m bis 1h 25m
Deklinatioun	-56° 20’ bis -75° 20’
Fläch	295 Quadratgrad
Siichtbar op de Breedegraden	15° Nord bis 90° Süd
Observatiounszäitraum fir Mëtteleuropa	net ze gesinn
Stäre mat Gréisst < 3m	1
Hellste Stär, Gréisst	α Tuc, 2,86m
Meteorstréim	-
Nopeschstärebiller (vun Norden am Auerzäresënn)	Phoenix Grus Indus Octans Hydrus
Kaart vum Stärebild Tucana

Beschreiwung

Den Tukan läit südlech vum Stärebild Grus. Et ass kee markant Stärebild, nëmmen ee Stär ass méi hell wéi déi 3. Gréissteklass.

Am Südoste steet déi opfälleg Kleng Magellanesch Wollek, eng kleng Begleetgalaxie vun eiser Mëllechstrooss an dem Kugelstärekoup 47 Tucanae.

Geschicht

Den Tukan gehéiert zu de Stärebiller, déi Enn vum 16. Joerhonnert vun den hollännesche Séifuerer Pieter Dirkszoon Keyser a Frederik de Houtman agefouert goufen. D'Stärebild soll een exotesche Vull duerstellen. De Johannes Bayer huet d'Stärebild am Joer 1603 a säin Himmelsatlas Uranometria iwwerholl.

Himmelsobjeten

Stären

B	F	Nimm o. aner Bezeechnungen	m	Lj	Spektralklass
α			2,87	199	K3 III
γ			3,99	72	F1 III
ζ			4,23	28	F9 V
κ			4,25	67	F6 IV
β1			4,36	140	B9 V
ε			4,49	375	B9 IV
δ			4,51	267	B8 V
β2			4,53	172	A2 V
ν			4,91	273	M4 III
η			5,00	159	A1 V
β3			5,07	152	A0 V
		HR 8531	5,31	67	F9 V
ι			5,36	279	G5 III
ρ			5,38	133	F6 V
λ2			5,45	210	G7 III
π			5,50	306	B9 V
λ2			6,67

Den α Tucanae ass e Stär, deen orange liicht an 199 Liichtjoer wäit vun eis ewech läit. Seng Spektralklass ass K3 III. Et handelt sech ëm en enken Duebelstäresystem. D'Existenz vum Begleeder, deen den Haaptstär an 11,5 Joer ëmkreest, konnt nëmmen duerch déi exakt Miessung vun der Eegebeweegung nogewise ginn.

Duebelstären

System	m	Ofstand
β	4,36 / 4,53 / 5,07	27"/9’
λ	5,45 / 6,67	13,8"

Den zweethellste Stär, de β Beta Tucanae, huet eng Gréisst vun 3,7^m. Et handelt sech ëm ee Méifachstäresystem op enger Distanz vun 140 Liichtjoer, a besteet aus sechs Stären. Déi dräi hellst hunn d'Bezeechnunge β¹, β² an β³. De β¹ an de β² ginn och als Beta Tucanae A an Beta Tucanae C bezeechent. Hire Wénkelofstand um Himmel ass 27 Bouminutten, wat engem tatsächlechen Ofstand vun 1.100 Astronomesch Eenheeten (AU) entsprécht. Den β¹ huet e Begleeder vun nëmmen 13,5 ^m, de Beta Tucanae B, op engem Ofstand vun 2,4 Bousekonnen. De Begleeder vum β², dem Beta Tucanae D, ass e Stär vun der 6. Gréisst op engem Ofstand vun 0,38 Bousekonnen.

Den β³ huet vum β¹ an dem β² een Ofstand vun 9 Bouminutten, wat 0,37 Liichtjoer entsprécht. D'System besteet aus zwéi Stäre vun de Gréisste 5,8 a 6,0^m. Well si nëmmen 0,1 Bousekonnen ausernee stinn, kënne si mat engem Teleskop net getrennt ginn.

Den λ Tucanae ass en Duebelstäresystem op enger Distanz vun 210 Liichtjoer. Déi zwou Komponente gehéieren zu de Spektralklassen F7 IV a K2 III.

Verännerlech Stären

Stär	m	Period	Typ
θ	6,06 bis 6,15	1,18 bis 1,45 Stonnen	kuerzperiodesch Verännerlecher

Den θ Tucanae ass ee verännerleche Stär, deen op enger Distanz vun 210 Liichtjoer läit. Hie gehéiert zum Typ Delta-Scuti. Seng Hellegkeet ännert sech e bësschen iwwer en Zäitraum vun 1,18 bis 1,45 Stonnen.

NGC-Objeten

NGC	divers	m	Typ	Numm
104	47 Tucanae	4,0	Kugelstärekoup
292	SMC	5	Galaxie	Kleng Magellanesch Wollek
346			Gasniwwel
371			Stärenusammlung
362		6,8<	Kugelstärekoup

Den NGC 104, och 47 Tucanae genannt, ass no dem Omega Zentauri den zweethellste Kugelstärekoup m südlechen Nuetshimmel. Hien ass mat bloussem A ze gesinn, an huet mat 20 Bouminutten zwéin Drëttel vum Vollmoundduerchmiesser. E steet zimmlech no bei der Klenger Magellanescher Wollek.

Déi Kleng Magellanesch Wollek (englesch: Small Magellan Cloude (SMC)) ass och een opfällegen Objet um Nuetshimmel. Et ass eng kleng Galaxie mat Stärekéip an Niwwelen, déi eis Mëllechstrooss op enger Distanz vun 200.000 Liichtjoer begleet.

Den NGC 362 ass e Kugelstärekoup op enger Distanz vun 30.000 Liichtjoer.

Kuckt och

Portal Astronomie

• Lëscht vu Stärebiller

Um Spaweck

Commons: Tucana – Biller, Videoen oder Audiodateien