Uebst

Uebst ass e Sammelbegrëff fir iessbar Friichten, déi u kultivéierten oder wëlle Planze wuessen. De Mënsch konsuméiert Uebst wéinst sengem séiss-saierleche Goût, sengem intensiven an agreabelen Aroma a sengem nutritive Wäert. Uebst ka frësch, als Jus, oder als Dessert giess ginn, soubal déi néideg Zeidegkeet erreecht ginn ass oder nodeems et gekacht ginn ass.

Uebst

Uebst op engem Maart zu Barcelona

Uebst huet wéineg Kalorien an en héije Prozentsaz u Waasser (bis zu 90% vum Gewiicht),^[1] wat d'Hydratatioun vum Organismus ënnerstëtzt. De Konsum vun Uebst mat senge Ballaststoffer ënnerstëtzt de korrekten Oflaf vum Verdauungsapparat. Generell huet Uebst keng saturéiert Fettsaieren.

Beléift Uebstzorte sinn Äerdbier, Äppel, Aprikosen, Banannen, Bieren, Kiischten, Orangen, Quetschen a Réngglotten, nieft villen aneren.

Kuckt och

• Lëscht mat den Uebstzorten

Um Spaweck

Commons: Uebst – Biller, Videoen oder Audiodateien

Referenzen

1. Vicente, A.R.; Manganaris, G.A.; Sozzi, G.O.; Crisosto, C.H. (2009): «Nutritional quality of fruits and vegetables», an: Florkowski, W.J.; Shewfelt, R.L.; Brueckner, B.; Prussia, S.E. Postharvest Handling: A Systems Approach (2. Editioun). Amsterdam: Elsevier. pp. 57-106