Сократес

Со́кратес Бразиле́йру Сампа́йу ди Со́за Вие́йра ди Оливе́йра ва я Со́кратес (порт. Sócrates Brasileiro Sampaio de Souza Vieira de Oliveira) (19 февраль 1954 (1954-02-19), Белен, Пара штат — 4 декабрь 2011, Сан-Паулу) — бразилиядин футболист, зур хуьдайди, 1982 ва 1986 йисара хьайи дуьньядин чемпионатра Бразилиядин кӀватӀи командадин капитан тир.

Сократес
Сократес Бразилейру Сампайу ди Соза Виейра ди Оливейра
Малумат
Тамам тӀвар	Сократес Бразилейру Сампайу ди Соза Виейра ди Оливейра
ЛакӀабар	Доктор Сократес
Дидедиз хьайи чӀав	1954 йисан 19 февраль(1954-02-19)[1][2][3][4] или 1954 йисан 9 февраль(1954-02-09) Белен, Пара, Бразилия
Кьиникьин чӀав	2011 йисан 4 декабрь(2011-12-04)[5][1][2] (57 йис.) Сан-Паулу, Бразилия
Гьукумат	Бразилия
Буй	192 см
Позиция	гьужумдайди
Клубдин карьера[* 1] 1974—1978 Ботафого Рибейран-Прету 57 (24) 1978—1984 Коринтианс 297 (172) 1984—1985 Фиорентина 25 (6) 1986—1987 Фламенго 20 (5) 1988—1989 Сантос 5 (2) 1989 Ботафого Рибейран-Прету 0 (0) 2004 Гарфорт Таун 1 (0) Милли кӀватӀи команда[* 2] 1979—1986 Бразилия 63 (25)
Халкьарин арадин медалар
Кьиблепатан Америкадин чемпионат Гимиш 1983 Кишпир 1979 Мундиалито Гимиш 1980/81
Профессионал клубда хьайи чӀавуз янай голарни къугъунрин кьадар, цӀийи хьун 8 июль 2020 йисан. Къугъунарни голар кӀватӀурдихъ, цӀийи хьун 8 июль 2020 йисан.
Викигьамбарда авай шикилар

World Soccer журналди гузвай къиметриз килигна Сократес XX виш йисан виридалайни хъсан футболистрин сиягьда 63-й чкадал ала. ФИФА 100 иштиракчи я.

Профессионал карьера туькӀуьрай футболист ятӀани ада Бразилиядин Сан-Паулу университетда духтухвилин диплом къачунай, ва спортдин карьера акьалтайдалай гуьгъуьниз ада философиядин доктордин дережа къачунай.

Уьмуьрдикай

Сократес 1954-йисуз Бразилиядин Пара штатдин Белен кьилин шегьер дидедиз хьана.

Сократес философия илимдал рикӀ алай налогрин агент тир Раймундодин хзанда дидедиз хьанай. Адан пуд стха, Софоклус, Состенес ва Раймундо авай. Гъуьгъуьнлай Раймундодикайни профессионал футболист хьанвай. Сократесан ругуд йис хьайила адан хзан Рибейран-Претудиз куьч хьанай.

Футболдин майдандин патав дидедиз хьанвай Сократесан рикӀ аял чӀавалай футболдал алай. Ам къугъвай садлагьай команда чкадин «Рано де Оуро» хьанвай. Амма адан буба хци футболдиз чӀехи гьевес кутунив рази тушир ва къугъваз къадагъа авунай. Гьавиляй Сократеса чинеба къугъвазвай ва идахъ галаз санал медицинадин чирвилер къачузвай. КӀелзавай бередани ада вичин колледждин «Колежио Мариста» командадин паталай къугъвазвай.

Сократесан 16 йис хьайила адан колледждин тренердиз чкадин «Ботафого» клубда кӀвалахиз эвернай, адани вичихъ галаз кьуд тафаватлу футболистар тухванай, абурун арада Сократесни кваз.

1978—1984-йисара ам «Коринтиансдин» къугъвадайди тир, 1984-йисалай 1985-йисни кваз ам италиядин «Фиорентинадин» футболист.

Сократес Сан-Паулуда 57 йисан яшда аваз кечмиш хьана.

Титуларни агалкьунар

• 1979, 1982, 1983-й йисан Лига Паулистадин чемпион (3)
• 1986-й йисан Лига Кариокадин чемпион (1)
• 1983-й ийсан Кьиблепатан Америкадин виридалайни хъсан футболист.
• Сан-Паулу штатдин чемпионатдин виридалайни хъсан бомбардир (1): 1976

Статистика

КӀватӀи командадин статистика^[6]

КӀватӀи команда	Йис
		Къугъунар	Голар
Бразилия
	1979	6	5
	1980	8	2
	1981	15	6
	1982	9	4
	1983	8	2
	1985	5	1
	1986	9	2
	Вири	60	22

Шикилар

• 
  1984 йис