Aësde

Dit artikel is gesjreve (of begós) in 't Kinders. Laes hie wie v'r mit de versjillende saorte Limburgs ómgaon.

Aësde (Hollese naom: Eisden) is 'n deilgemeint van de gemeint Mechele in Bèlsj Limburg.

Tot 't begin van de 20e iew woor 't 'n heijlandsjap. Wie André Dumont in 't naobiegelaege As 'n kaolelaog ontdek, weurt 'er in Aësde in 1923 'ne pöt geboewd. De direktie vanne pöt leut der 'n tuinwiek boewe veur de kaolpötter en heur femilies. De hoezer zint karakteristiek veur de architectuur van de jaore 30. De mienkathedraal, gewied aan Sint-Barbara, de patrones van de kaolpötter, weurt in 1936 opgetrokke. Opvallend is 't expressionisch baksjteinmetselwerk, de massieve hoeëge taore en de neo-gotische vènstere in 't monumentaal geboew. In 1987 weurt de pöt van Aësde defenitief gesjlote.

Allewiel is Aësde e belangriek kómmersjeel centróm in 't Maaslandj.

't Is ouch de thoeshave van 'n voetbalploog, in 1942 opgerich es Patro Aësde.

Meer informatie Gemeinte Mechele (Belsj Limburg) ...