Berg en Terbliet

Dit artikel is gesjreve (of begós) in 't Bergs (Valkeberg). Laes hie wie v'r mit de versjillende saorte Limburgs ómgaon.

---

Berg en Terbliet (Berg en Terblijt) Gewaeze gemeinte in Nederlandj
{{{locatie}}}
Gevörmp	1796
Opgehaeve	1982
Opgegange in	Valkeberg aan de Geul
Provincie	Nederlands Limbörg
Hoofplaats	Berg
Opperflaakde (bie opluffing)	7,47[1][2] km²
– daovan water:	0,04[1] km²
Inwoeners (kort veur opluffing)	{{{inwoeners}}}
– deechde:	459/km²
Lies van börgemeisters

Berg en Terbliet is 'n veurmalige gemeinte in Zuid Limburg mèt es kerne: 't kèrkdörp Berg en wiejer de gehuchte Terbliet, Vilt en Geulhem. Tot aan de Franse tied waore 't twiè apárte heerlikhede: Berg, wat ein van de èlf benk van Sinservaos waor, en Terbliet, sedert 1542 in heng van de femilie Van de Bongard.^[3] Bie de gemeintelikke herindeiling in 1982 woort de ganse gemeinte bie de gemeinte Valkeberg aan de Geul gevoog. E jaor veur de herindeling, in 1981, versjeen e sjtandaardwerk van 500 pagina's, euver Berg en Terbliet, gesjreve door de auteursj: V.Th.J. Claessens, A.H.H. Houben, H.L. Raeven en geïllestreerd door H.G. (Bèr) Schols.

De witte plaatsnaamborde mèt de naam "Berg en Terblijt" zint nao de herindeiling, in de ganse veurmalige gemeinte, blieve sjtaon.

Wape

De gemeinte Berg en Terbliet kraog op 15 september 1819 e wape toebedeild, wat zich zoa lièt umsjrieve:

In zèlver (wit) eine zjwarte (sic!) sjleutel. 't Sjild op de boorsj gedrage door eine zjwarte döbbele adelèèr, gebek en geklauwd ván goud (geel).

Dit wape is neet gebaseerd op de aw heerlikheidswapes of sjepebánkzegels van Berg en/of Terbliet.^[3]

Historiese inwoneraamtalle

Mèt oetzundering van d'n tied tösje 1956 en 1960 kós de gemeinte Berg en Terbliet altied eine gezónne greuj; dit in tègesjtèlling tot väöl ánder gemeintes in 't Heuvelland, woa ièder stagnasie waor.

Jaor Aantal Greuj (gans Limbörg) 1830 749[4] -- 1840 766[5] +3,1% (+5,6%) 1849 793[6] +3,5% (+4,3%) 1859 866[7] +9,2% (+4,4%) 1869 951[8] +9,8% (+4,5%) 1879 1.086[9] +14,2% (+7,0%) 1889 1.188[10] +9,4% (+6,8%) 1899 1.279[11] +7,7% (+10,2%)

Jaor Aantal Greuj (gans Limbörg) 1909 1.369[12] +7,0% (+17,8%) 1920 1.767[13] +29,1% (+32,6%) 1930 2.045[14] +15,7% (+25,1%) 1947 2.199[15] +7,5% (+24,2%) 1956 2.711[16] +23,3% (+27,3%) 1960 2.591[1] -4,4% (+7,4%) 1971 3.430[2] +32,4% (+13,9%)

Opmerkinge

• Wie hiebaove al gezag umvadde de gemeinte nève 't dörp Berg en 't gehuch Terbliet auch nog Vilt, Geulhem en e paar hoezer in 't boetegebied.
• De getalle veur 1971 zeen op ganse vieftalle aafgerónd; 't greujciefer zouw daorum neet gans kinne kloppe.

Rillatief oontwikkeling van 1830 tot 1971

(v₁₈₃₀=100)

Greun: Gemeinte Berg en Terbliet
Blauw: Provincie Limbörg