Itter

Itter (Holles: Neeritter) is ein dörp in Midde-Limburg (Nederlandj) en liktj in de gemèndje Leudaal. Tot 1942 waas Itter ein aparte gemeinte, daonao huuerdje Itter tot 2007 bie de gemèndje Hunsel, same met Ittervoort, Haler en Èl.

Dit artikel is in versjillende Limburgse dialekte gesjreve. Ómdat 't plaotsgebónje is maogs doe 't ómzètte nao 't Itters, as te dit dialek sjpriks.

---

Itter (Neeritter) Gewaeze gemeinte in Nederlandj
Gevörmp	1800
Opgehaeve	1942
Opgegange in	Hunsel
Provincie	Nederlands Limburg
Hoofplaats	Itter
Opperflaakde (bie opluffing)	4,36[1] km²
– daovan water:	? km²
Inwoeners (kort veur opluffing)	623 (1930)
– deechde:	162,9/km²
Lies van börgemeisters

Waope

---

De volgende sectie van dit artikel is gesjreve in 't Mestreechs.

---

Op 18 fibberwarie 1926 kraog Itter vaan d'n Hoege Raod vaan Adel e waope touwgekind, wat ziech zoe liet umsjrieve:

Gedweersbalk vaan tien stökker goud en keel (roed) en e vrijkerteer vaan goud, belaoje mèt drei jachheures vaan keel, beslaoge vaan zèlver. Es sjèldhawwer d'n H. Lambertus bisjopskleid, in de linkerhand 'ne bisjopsstaaf en 'ne speer.

Itter hoort langen tied bij 't graofsjap Loeën, die in 't hoofsjèld zien bedach; umtot de graove vaan Häör evels hei de wèrkeleke mach hadde, steit hun waope in 't vrijkerteer. Sinte Bèr waor en is de parochieheilege.^[2]

Historische inwoenertalle

Itter waor 'n kwijnende gemeinte die, ouch neet gelèt op de grenscorrectie vaan de jaore 1840, ummer mer kleinder woort. In 1930, bij de lèste volkstèlling boe Itter es zelfstendege gemeinte optraoj, waor 't kleinder es oets.

Jaor Aontal Greuj (gans Limbörg) 1830 1.264[3] -- 1840 1.386[4] +9,7% (+5,6%) 1849 754[5] z. noot 1859 773[6] +2,5% (+4,4%) 1869 745[7] -2,5% (+4,5%) 1879 775[8] +2,8% (+7,0%)

Jaor Aontal Greuj (gans Limbörg) 1889 706[9] -8,9% (+6,8%) 1899 649[10] -8,1% (+10,2%) 1909 656[11] +1,1% (+17,8%) 1920 703[12] +7,2% (+32,6%) 1930 623[13] -11,4% (+25,1%)

Opmerkinge

• Groete deile vaan Itter, oe-oonder 't dörp Bieësel, woorte in 1842 nao 'n grenscorrectie bij Kaesing geveug. Op 't aofgesjeide gebeed woende in 1845 734 lui.

Rillatief oontwikkeling vaan 1830 tot 1971

(v₁₈₃₀=100)