Lotharinge (Karolingisch Midderiek)

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Lotharinge of Midde-Francië in 843

Lotharinge, 't Midderiek of Midde-Francië (Latien: Francia Media of regnum quondam Hlotharii^[1]) waor e deel van 't Karolingische riek dat an Lotharius I (†855) veel nao d'r doeëd van z'ne vader Lodewijk de Vrome († 840). De rieksdeling vón ze besjlaag bie 't Verdraag van Verdun (843). Lotharius waoërt teves keizer över 't gaanse Karolingische riek.

Territorium

Lotharinge omvatte ruw eweg de vólgende gebiede (van allewiel):

• Nederland; nao gelang de interpretatie mèt of zoonder Oos-Friesland^[2]
• De Nederrien, en 't Duutsje Rienlaand ten weste van de Rien, inbegraeëpe sjtaej wie Kölle, Koblenz en Mainz.
• Belsj ten ooste van de Sjelde, dus zoonder 't graafsjap Vlaandere
• Luxemburg
• 't Fraanse Lotharinge
• d'r Elzas
• Bourgondië
• Franche-Comté
• Rhône-Alpes
• Provence
• Zjwitserlaand ten weste van d'r Rien
• Noord-Italië

Tale en religie

De tale die in Lotharinge gekald waoërte waore Frankisch, Aodfraans, Occitaans, Arpitaans, Aodhoeëgduutsj, Aodsaksisch, Aoddfries.De religies die aa gehange waoërte waore 't Christendom en Germaans heidendom.

Deling in 855

Deling van Prüm

Bie 't överlijde van Lotharius in 855 waoërt mèt 't Verdraag van Prüm Lotharinge nao 't Salische gewoeënderech verdeeld oonder z'n zone.

• E deel van 't gebied kwieëm oonder d'r naam 'Köninkriek Lotharinge' (de Nederlande, Fraans-Lotharingen en d'r Elzas) an Lotharius II.
• E groeët deel van Bourgondië, Arles en de Provence kieëm an Karel d'r Jónge.
• Italië góng same mèt d'r keizerstitel nao d'r odste zoon Lodewijk II.

Èng

Karel sjtórf in 863 zoonder naozate, oeënao zie gebied waoërt verdeeld tösje z'n breurs Lotharius II en Lodewijk II. Naodat Lotharius II in 869 sjtórf, waoërte z'n bezittinge bie 't Verdraag va Èèsde (870) verdeeld tösje z'n noonke, Lodewijk d'r Duutsjer van Oost-Francië en Karel d'r Kale van West-Francië. Hiemèt kieëm 'n èng an 't Koninkriek Lotharinge en waoërt d'r basis gelach vör 't Fraankriek en Duutsjlaand van allewiel.

Lodewijk II sjtórf in 876 zoonder wèttige naozate, z'n bezittinge gónge nao Karloman van Oost-Francië, d'r zoon van Lodewijk d'r Duutsjer. Dör 't Verdraag van Ribemont (880) kieëm vervólges gaans Lotharinge bie Oost-Francië es 't Hertogdom Lotharinge.