Turks

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Thumb — Op dees kaart zuut me de verspreiing vaan 't Turks (roed) mer ouch vaan de aander Ogoezische taole: zoewie 't Azerbaidzjaons, 't Afshar, 't Balkan-Gagaoezisch Turks, 't Gagaoezisch, 't Turkmeens en 't Qashqai. Aander taole, wie 't Osmaons, zien oetgestorve.

't Turks (eige naom Türkçe, Türk dili) is de nationaol taol vaan Turkije en ein vaan de officieel taole vaan Cyprus. Um häör te oondersjeie vaan aander Turkse taole weurt ze soms wel Osmaons-Turks geneump. Veural in 't Duits taolgebeed kump dit veur. In Turkije en Cyprus en in Turkse gemeinsjappe in veural Wes-Europa (boe-oonder Nederland,'t Belsj en Duitsland) spreke alles bijein oongeveer 70.000.000 lui Turks.

De Törkse taol behuurt tot de Ogoezische taole, 'nen tak vaan de Törkische taole (ouch-wel gewoen Turkse taole geneump). Ogoezische taole, boe neve Turks oonder mie Azerbeidzjaons en Turkmeens bij hure, zien oonderein dèks good verstaonbaar. De taol is agglutinerend: alle veranderinge aon wäörd weure mèt suffixe oetgedrök. Ouch kint de taol vocaalhermenie: de klinker vaan 'n suffix weurt bestump door de klinker vaan 't woord boe-aon 't vasgeplek weurt.

't Turks weurt sinds de hervörminge vaan Atatürk mèt 't Latijns sjrif gesjreve, mèt e paar speciaol teikes. Zoe gief 't de lètters ç, ğ, ı, ö, ş en ü. X, q en w weure neet gebruuk. Oonder 't sultanaot woort 't Arabisch sjrif gebruuk, wat evels voor 't Turks relatief oongesjik is.

Turks

Extern linke

Wikiwand - on