Vondrona Afrikana

Ny Vondrona Afrika(ni)na (VA) dia fikambanan' ny firenena afrikanina natsangana tamin'ny taona 2002 tany Durban any Afrika Atsimo, araka ny fanambaràna tany Syrte tamin'ny 9 Septambra 1999. Nandimby ny Firaisambe Afrikanina. Ny fametrahana ny andrim-panjakana (Vaomieran' ny Firisambe Afrikana, Antenimiera Panafrikana sy ny Filankevitry ny Fandriampahalemana sy ny Fiarovana) dia tamin'ny Jolay 2003 tamin'ny fivoriana tany Maputo ao Mozambika.

Tahaka ny tanjon'ny Vondrona Eorôpeanina, ny tanjony dia mitazona ny firenena mpikambana ho demôkratika, ny zon'olombelona ary ny fampandrosoana ao Afrika, indrindra amin'ny alalan'ny fampiasam-bola avy any ivelany amin'ny alalan'ny New Partnership for Africa's Development (NEPAD). Io fandaharan'asa io dia nilaza fa ny fandriampahalemana sy ny demôkrasia dia fepetra mialoha ho an'ny fivoarana maharitra.

Ankehitriny, ny Vondrona Afrikanina dia misy mpikambana 55 (afatsy i Marôka, izay niala tao amin'ny Vondrona Afrikanina noho i Sahara Andrefana niditra tao amin'io fikambanana io). Ny firenena efatra nahanton'ny Vondrona Afrikanina dia i Nizera, i Maoritania, i Madagasikara ary i Ginea; satria fadin' ny lalampanorenan'ny Vondrona Afrikanina ny maka ny fahefana amin'ny alalan'ny fanonganam-panjakana.

Ny fiteny ampiasaina ao amin'ny Vondrona Afrikanina dia fiteny rehetra aty Afrika. Fa ny tena miasa indrindra dia ny fiteny anglisy, ny fiteny arabo, ny fiteny frantsay, ny fiteny espaniôla, ny fiteny pôrtogey ary ny teny soahily.

Vondrona Afrikana

Jereo koa

Wikiwand - on