Ngā reo Ahiteronīhia
From Wikipedia, the free encyclopedia
Ko ngā reo Ahiteronīhia te kahui reo nunui o te ao, a koia tonu te matapuna o te reo Māori. 1268 ngā reo o tenei kahui i korerohia mai i Marakāhia i te uru, tae atu ki Rapanui ki te rāwhiti, ko ngā moutere o Initonīhia kei waenganui.
Ko te matapuna o tenei iwi e kia nei ko ngā reo Ahiteronīhia ko te motu o Whoromoha (Taiwana). I ahu mai etehi tāngata no Āhia ki Taiwana i ngā tau 10,000-6000 B.C, a na te wehenga i era atu iwi ka puta mai he reo hou me ngā tikanga.[1].
Tēnā pea na te whakarea o te iwi ka timata mai i ngā tau 5000-2500 B.C. te marere o te iwi nei ki whenua ke. Tuatahi ki ngā Piripīni, katahi ka toro atu ki ngā moutere o Sulawesi, o Poronio, o Maluku me Java.
Mai i Maluku ka huri ngā waka ki te Moananui a Kiwa mai i ngā tau 1200 B.C. ki 500 B.C. Ko etehi atu ka huri te ihu o te waka ki te ra-to tae atu ki Sumatra, ki te kuititanga o Marēhia me te tai tonga o Whitināmu. Ka whakawhiti ano tetehi waka i te Moananui o Īnia tae atu ki Marakāhia
I te tau 1000 B.C. pea ka tae atu etehi o enei ki Savaii me era atu o ngā moutere e kia nei o ngai tatou te Iwi Māori.