From Wikipedia, the free encyclopedia
Atropin adolah ubek nan dipakai untuak maatasi danyuik jantuang nan malambek jo otot polos paruik nan tagang, malapangan pupil mato pado uveitis atau ambliopia, sarato untuak maubek karacunan pestisida jo agen saraf (gas saraf). Salain itu, dipakai pulo dalam tindakan pambadahan untuak maalangi produksi aia liua. Ubek ko biasonyo diagiah dalam bantuak suntik sacaro intravena atau intramuskular. Tasadio pulo dalam bantuak tetes mato. Atropin tamasuak ubek wajib nan paralu ado di satiok klinik atau fasilitas kasihatan manuruik WHO dek kagunaannyo nan pantiang.[3][4][5][6]
Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis. Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor. Kok Sanak paralu bantuan atau ka barubek bakonsultasilah jo tanago kasihatan profesional. |
Data klinis | |
---|---|
Namo dagang | Atropen, lainnyo |
Namo lain | Daturin [1] |
AHFS/Drugs.com | |
MedlinePlus | a682487 |
Kategori pado kahamilan |
|
Rute masuak ubek | malalui muluik, IV, IM, rektal |
Kelas ubek | antimuskarinik (antikolinergik) |
Kode ATC | |
Farmakokinetik data | |
Bioavailabilitas | 25% |
Metabolisme | ≥50% tahidrolisis manjadi tropin jo asam tropik |
Awitan aksi | kurang labiah saminik[2] |
Eliminasi wakatu paruah | 2 jam |
Durasi aksi | 30 sampai 60 minik[2] |
Ekskresi | 15–50% tabuang malalui urin |
Pangenal | |
Namo IUPAC
(RS)-(8-Methyl-8-azabicyclo[3.2.1]oct-3-yl) 3-hydroxy-2-phenylpropanoate
| |
Nomor CAS | |
PubChem CID | |
IUPHAR/BPS | |
DrugBank | |
ChemSpider | |
UNII | |
KEGG | |
ChEBI | |
ChEMBL | |
ECHA InfoCard | 100.000.096 |
Data kimia jo fisika | |
Formula | C17H23NO3 |
Molar mass | 289.369 g/mol g·mol−1 |
3D model (JSmol) | |
SMILES
CN3[C@H]1CC[C@@H]3C[C@@H](C1)OC(=O)C(CO)c2ccccc2 | |
InChI
InChI=1S/C17H23NO3/c1-18-13-7-8-14(18)10-15(9-13)21-17(20)16(11-19)12-5-3-2-4-6-12/h2-6,13-16,19H,7-11H2,1H3/t13-,14+,15+,16? Key:RKUNBYITZUJHSG-SPUOUPEWSA-N | |
(what is this?) (verify) |
Atropin tamasuak ubek antimuskarinik (masih dalam kalompok antikolinergik) nan bakarajo jo maambek saraf parasimpatis.[7] Karajo atropin ko dapek mamunculkan efek sampiang yaitu muluik kariang, pupil maleba, urin tatahan, kabobolan, sarato danyuik jantuang capek. Dek efek sampiangnyo nan ado pado mato, ubek ko indak buliah diagiah pado urang jo glukoma suduik tatutuik. Untuak mandeh nan manganduang alun ado panalitian nan manjalehan bahayonyo, tapi buliah diagiah untuak mandeh nan manyusui.[8]
Atropin marupokan ubek antimuskarinik sainggo dapek dipakai untuak maambek produksi aia liua katiko pambadahan. Hal iko batujuan supayo pasien pambadahan nan sadang dibius sarato diintubasi (mamakai alaik bantu angok) indak taaspirasi atau tamasuak aia liau ka saluran angoknyo.[9][10]
Atropin baguno juo untuak maatasi karacunan, baiak dek gas saraf ataupun dek pestisida, walau indak sadoalah pestisida bisa. Pado kondisi karacunan, atropin bakarajo jo maambek asetilkolin pado reseptor muskarinik. Atropin diagiah sabagai respon capek maatasi karacunan. Pado kondisi parang, tantara kadang bahadapan jo ko sarangan gas saraf cando tabun, sarin, soman, sainggo digunakan atropin suntiak dalam wujuik autoinjektor (alaik suntik nan lansuang pakai jo dosis nan tasadio). Atropin acok digunokan basamoan jo pralidoksim klorida. Pado karacunan nan maakibatkan gangguan lokal, cando gangguan mato atau saluran angoko, atropin indak diindikasikan.[9]
Atropin dipakai juo pado kondisi danyuik jantuang malambek (bradikardi) sabagai terapi garih partamo. Diindikasikan katiko ado gangguan struktur pado sistem infranodul atau kok danyuik jantuang kurang dari 50 kali/minik jo tando vital indak stabil. Rato-rato 20% urang bradikardia disababkan dek gangguan hantaran listrik dalam jantuang. Atropin buliah dipakai barulang pado pasien ko asalai ado pabaikan. Pado anak-anak, paralu dicari tau panyabab bradikardianyo. Umumnyo jarang disababkan kalainan jantuang, labiah acok disababkan dek hipoksia atau hipoventilasi. Kok pasian anak maalami bradikardia jo angok nan cukuik rancak, atropin dapek diindikasi.[10][11][12]
Atropin dipakai pulo untuak masalah mato. Pasien nan tibo jo kaluahan padiah di mato dek uveitis atau mato taraso buran dek ambliopia, buliah diagiah atropin. Atropin maagiah efek pupil maleba sainggo baguno pulo untuak tindakan diagnostik. Efek pupil maleba ko disabuik jo efek midriatik. Dek efek iko, pasien jo glukoma suduik tatutuik dikontraindikasikan dek efeknyo nan mampaburuak.[13][14][15]
Atropin adolah ubek antimuskarinik nan bakarajo untuak maambek reseptor asetilkolin postganglion sarato vagolitik lansuang (direct vagolytic). Hal iko mambuek efek parasimpatis taambek pado otot polos. Efek akhianyo maningkekan ransangan simpatis nan ditandoi jo maningkeknyo kaluaran jantuang (cardiac output) sarato efek sampiang lain takaik antimuskarinik.[3]
Efek sampiang atropin pado umumnyo bahubuangan jo sipaiknyo nan antimuskarinik di antaronyo muluik kariang (xerostomia), pandangan buram, silau dek cahayo (photophobia), danyuk jantuang capek (takikardia), kulik sirah jo angek. Kabobolan, kanciang tatahan, sarato indak bakaringek (anhidrosis) dapek tajadi khususnyo pado populasi barisiko cando urang-urang gaek. Pado kasus nan sarik, delirium (pikun) atau koma dapek tajadi. Reaksi hipersensitivitas dapek tajadi dan biasonyo tabateh pado kulik.[16][17]
Atropin dapek mangurangi absorpsi dari mexiletin nan dapek ditagah jo kombinasi metoklopramid jo atropin sabalun tindakan anestesi.[18]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.