![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e4/Staphylococcus_aureus_biofilm_01.jpg/640px-Staphylococcus_aureus_biofilm_01.jpg&w=640&q=50)
Biofilm
From Wikipedia, the free encyclopedia
Biofilm adolah kumpulan sel mikroorganisme, khususnyo bakteri, nan malakek di ciek parmukaan dan diselimuti dek palakek karbohidrat nan dikaluakan dek bakteri.[1] Biofilm tabantuak dek mikroorganisme cenderung mambuek lingkungan mikro jo relung (niche) mereka surang.[2] Biofilm manguruang nutrisi untuak partumbuhan populasi mikroorganisme jo mambantu mancegah lapehnyo sel-sel dari parmukaan pado sistem nan mangalia.[1] Parmukaan surang adolah habitat nan pantiang bagi mikroorganisme dek nutrisi dapek tasirok pado parmukaan sahinggo kanduangan nutrisinyo dapek labih tinggi daripado di dalam larutan.[1] Konsekuensinyo, jumlah jo aktivitas mikrob pado parmukaan biasanyo labih tinggi daripado di aia.[1]
![Thumb image](http://upload.wikimedia.org/wikipedia/commons/thumb/e/e4/Staphylococcus_aureus_biofilm_01.jpg/640px-Staphylococcus_aureus_biofilm_01.jpg)
Hinggo tahun 1980-an, mode partumbuhan dengan biofilm labih dianggap sabagai sasuatu nan maelo sajo dan bukan sabagai suatu studi ilmiah nan serius.[3] Namun, bukti-bukti nan takumpua kudian manunjuakan bahaso pambantuakan biofilm labiah disukoi dek mikroorganisme, dan hampiang sado parmukaan nan kanai kontak jo mikrob dapek mandukuang pambuekan biofilm sahinggo mamangaruhi kahidupan manusia.[3] Atas dasar tersebut, studi manganai biofilm manjadi labih intensif.[3] Salain bakteri, mikroorganisme lainnyo takah alga jo khamir (fungi basel ciek) juo dapek mambantuak biofilm, tatapi biofilm bakteri adolah nan paliang banyak dipalajari jo dirujuak sabagai contoh.[3]