From Wikipedia, the free encyclopedia
Dataran tinggi Minangkabau, disabuik juo jo istilah Padang Darek (bahaso Balando: Padangsche Bovenlanden), adolah daerah pagunuangan di Sumatera Barat nan maliputi tigo gunuang, iyolah Gunuang Marapi, Gunuang Singgalang, jo Gunuang Sago, nan lataknyo di bagian tangah Sumatera, Indonesia.[1] Dataran tinggi ko tamasuak dalam jajaran pagunuangan nan mambantang di tangah-tangah pulau Sumatera, nan disabuik Bukik Barisan.
Urang Minangkabau picayo baso awanyo niniak muyang mareka bamukim di lereng selatan Gunuang Marapi, indak jauah dari Bukiktinggi.[1] Dari Gunuang Marapi tu, mareka lalu manyeba ka tigo tampek utamo; iyolah ka utara maadok jo Gunuang Singgalang mambantuak Luhak Agam, ka tenggara mambantuak Luhak Tanah Data, dan ka timur lauik maadok Gunuang Sago mambantuak Luhak Limopuluah Koto.[1][2] Katigo kawasan Luhak, nan disabuik juo jo namo Luhak Nan Tigo, dianggok sabagai kawasan inti nan manjadi tampek asa (Alam Minangkabau) dari nagari-nagari lainnyo di saluruah wilayah adaik Minangkabau.[1][3] Di tiok-tiok nagari dapek ditamuan kisah-kisah pambantuakan pamukiman baru dek niniak muyang mareka nan baasa dari katigo Luhak tu.[1]
Daerah tasabuik mulai dikana saindaknyo sajak abaik ka-7 jo namo Malayu,[4] bahkan dalam babagai batu basurek paninggalan Adityawarman (1347–1375) disabuikan baso namo karajaannyo adolah Malayupura.[5][6] Sangaik mungkin baso patanian sawah bakambang labiah daulu di daerah dataran tinggi, sabalun kudian taseba ka babagai daerah lainnyo di Sumatera, iyolah sabalun tajadinyo ubuangan padagangan jo urang asiang.[7]
Catatan urang Portugis manyabuik baso ameh banyak ditambang di dataran tinggi Minangkabau, untuak kudian dibao ka Malaka dalam bantuak abu ameh.[4] Balando mulai maeksploitasi cadangan ameh dataran tinggi ko pado 1680-an.[8] Mareka manguasoi padagangan di daerah ko, jo antaro 1820-1899 sabana manakan jo mambateh aruih padagangan dari dataran tinggi ka palabuahan, inggo produksi bareh jadi manurun.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.