Liga Utamo Inggirih
From Wikipedia, the free encyclopedia
Liga Utamo Inggirih (bahaso Inggirih: Premier League) adolah divisi nan paliang ateh di dalam sistem liga sepak bola Inggirih. Liga ko alah tabantuak sajak 1992, untuak manggantian Divisi Satu Inggirih nan lamo. Liga Utamo tadiri dari duo puluah tim sajak pandiriannyo. Tigo tim nan paliang bawah musiti main di Divisi Championship, dan digantian dek tigo tim paliang ateh dari divisi tasabuik.
![]() | |
Nagara | ![]() ![]() |
---|---|
Konfederasi | UEFA |
Dibantuak | 20 Februari 1992 |
Jumlah tim | 20 |
Tingkatan | 1 |
Degradasi ke | Liga Championship |
Kajuaraan domestik | Piala FA Piala Liga Inggris Community Shield |
Kajuaraan internasional | Liga Champions UEFA Liga Eropa UEFA |
Juaro batahan | Manchester City (2013–14) |
Klub tasukses | Manchester United (13) |
Stasiun televisi penyiar | beIN Sports, Sky Sports & BT Sport (siaran lansuang) Sky Sports & BBC (cuplikan patandiangan) |
Laman web | Premier League.com |
![]() |
Liga Utamo Inggirih marupoan liga nan paliang acok dicaliak di jagaik dunia, dicaliak-an di 212 saedaran dunia jo maliyun rumah sarato kamungkinan urang nan mancaliak liga ko liwaik TV mancapai 4.7 maliyun urang. Dalam rato, urang-urang nan datang ka stadium untuak mancaliak liga ko mancapai 35,363. Sarato dek itu, liga ko marupoan liga nan kaduo paliang banyak dicaliak urang-urang salapeh Bundelisga dari Jerman [1] sarato urang nan maunyi stadium dapek sakita 92 % dari nan dapek ditampuang.[2] Ligo Utamo Inggirih mandapek paringkek kaduo di Kasatuan Pasatuan Sipak Bola Eropa (dalam baso Inggirih: Union of European Football Association atau disingkek jadi UEFA) untuak sabagai liga badasa-an pado pasambahan tim-tim Inggirih pado patandiangan di Eropa labiah dari limo taun nan lalu.[3]
Dari ampek puluah anam klub nan alah disampuranoan sajak dibantuaknyo Liga Utamo Inggirih atau Premier League di taun 1992. Ado limo klub nan mandapek-an gala: Manchester United F.C. mandapek 13 gala, Arsenal F.C. 3 gala, Chelsea F.C. 3 gala, Manchester City F.C. 2 gala sarato Blackburn Rovers 1 gala se. Klub nan baru sajo juaro kini ko adolah Manchester City F.C. nan alah mandapek-an gala pado musim 2013-2014.