From Wikipedia, the free encyclopedia
Nur Kurniati Aisyah Dewi nan dikenal jo namo Nia Dinata (lahia di Jakarta, 4 Maret 1969; umua 55 taun) adolah surang sutradara Indonesia.[2] Wanita badarah Sunda jo Minang iko[3] adolah cucu dari pahlawan nasional Otto Iskandardinata[1] jo anak dari Dicky Iskandardinato.
Nia Dinata | |
---|---|
Nia di acara Festival Film Indonesia 2015 | |
Lahia | Nur Kurniati Aisyah Dewi[1] 4 Maret 1969 |
Namo lain | Nia Iskandar Dinata Nia Dinata |
Karojo | sutradara produser film |
Taun aktif | 2000 - sekarang |
Pasangan | Constantine Papadimitriou |
Anak | Ioannis Gibran |
Urang tuo | Dicky Iskandar Dinata |
Dusanak | Otto Iskandardinata (kakek) |
Pado awal karir sutradara Nia iko inyo mulai dari mambuek klip video jo pilem iklan. Pado awal taun 2000, Nia mandirikan parusahoan film independen Kalyana Shira Film. Inyo salapeh manjadi sutradara film Ca Bau Kan (2002) nan diambiak dari novel jo judul samo karya novelisi Remy Sylado. Kasadonyo digunoan pado taun 1930-an, manganai kisah para pajuang nan punyo kabangsaan Tionghoa. Film iko mandapek bamacam-macam panghargoan dari bamacam-bagai festival internasional.[4]
Pado taun 2004, inyo mangarah film Arisan! Inyo sangaik sukses dek karano di panjualan nan elok sarato dapek komentar elok dari kritikus. Film iko mandapek banyak panghargoan, tamasuak dari Festival Film Indonesia jo MTV Movie Awards.[5] Karya salapeh iko juo mandapek pujian dari kritikus film adolah Berbagi Suami, film nan mambahas tantang poligami dalam tigo segmen sarato malibailkan banyak pamain film/teater kawakan, sarupo Ria Irwan, Jajang C. Noer, dan Tio Pakusadewo.[6]
Salain sabagai sutradara film, Nia juo parnah talibaik di dunia tari. Salah satu kiprahnyo dalam bidang seni tari adolah katiko inyo kolaburasi jo maestro tari Tom Ibnur, di mano Nia manjadi panulih naskah dalam karya tari Legendra Padusi nan maangkek legenda padusi Minangkabau.[7] Karya nan malibaikkan namo-namo gadang, sarupo Ine Febriyanti, Jajang C. Noer, Niniek L. Karim, Arswendy Nasution jo Marissa Anita, sarato 50 panari jo musisi nan disutradarai Rama Soeprapto itu kamudian dipentasan di Teater Jakarta, Taman Ismail Marzuki, Jakarta.[8]
Pandidikan Nia dimulai dari SD Muhammadiyah V, Jakarta nan luluih pado 1982, kamudian inyo malanjuin sakolah di SMP Negeri 12 Jakarta pado 1985, jo sasudah luluih masuak ka SMA Negeri 34 Jakarta, Jakarta pado taun 1988, sudah sakatiko tamaik dari SMa inyo masuak ka parguruan tinggi College, Elizabethtown, Pennsylvania, nan barado di Amerika Serikat (1992). Indak sampai disitu inyo juo basakolah Film Program NYU Tisch School of Art, di Amerika Serikat pado taun 1993.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.