Padang Mangateh
From Wikipedia, the free encyclopedia
From Wikipedia, the free encyclopedia
Padang Mangateh adolah sabuah daerah taranak nan talatak di Luhak, Kabupaten Lima Puluh Kota, Sumatra Barat. Daerah iko manjadi tanamo lantaran pamandangan padang rumpuiknyo nan mirip jo peternakan padang rumpuik di Selandia Baru.[1] Peternakan iko sacaro rasmi dikelola dek Balai Pembibitan Ternak Unggul dan Hijauan Pakan Ternak (BPTU-HPT) Padang Mangateh di bawah Kementerian Pertanian Republik Indonesia.[2]
BPTU Padang Mangateh patamo kali didirian dek Pamarintah Hindia Belanda pado taun 1916. Taranak nan dikambangan adolah kudo. Pado taun 1935, didatangan jawi Zebu dari Benggala, India untuak dikambangbiakan.[3] Pado zaman Revolusi Kemerdekaan (1945—1949) kagiatannyo terhenti. Pado taun 1950 dek Wakil Presiden Dr. Moh. Hatta dipugar baliak dan taun 1951—1953 dijadian sabagai Stasiun Peternakan Pamarentah dan diagiah namo Induak Taman Ternak (ITT) Padang Mangateh.[3]
Pado taun 1955, ITT Padang Mengateh marupoan stasiun peternakan nan paliang gadang di Asia Tenggara. Taranak nan dipaliharo adolah taranak kudo, jawi, kambiang, jo ayam. Namun, taun 1958—1961 tajadi pergolakan PRRI, jo lokasi ITT Padang Mengateh dijadian sabagai basis partahanan PRRI sahinggo ITT Padang Mengateh rusak barek. Dibenahi baliak dek Pamarentah Daerah Sumatera Barat pado taun 1961. Taun 1973—1974, Pamarentah Jerman maadoan kajian di ITT Padang Mengateh mako pado taun 1974—1978 dilakuan kerja samo pambangunan baliak ITT Padang Mengateh antaro pamarintah RI & Jerman malalui proyek Agriculture Development Project (ADP).[3]
Tahun 1978, Proyek ADP barakhia dan disarahan ka Departemen Pertanian jo namo Balai Pembibitan Taranak Hijauan Makanan Taranak (BPT HMT) Padang Mangateh sasuai jo SK Menteri Pertanian RI No. 313/Kpts/Org/1978 jo wilayah karajo tigo provinsi (Sumbar, Riau, dan Jambi). Taun 1978, Padang Mengateh dibiayai dek Pemda Sumbar jo Pamarentah Pusat. Barulah taun 1985, sasudah pambiayaan diambiak aliah dek pamarintah pusat. Bardasarkan kaputusan Menteri Pertanian Republik Indonesia No.292/Kpts/OT.210/4/2002 tangga 16 April 2002 barubah namo manjadi Balai Pembibitan Ternak Unggul (BPTU) Sapi Potong Padang Mangateh jo wilayah karajo maliputi sadoalah provinsi di Indonesia.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
