Kabupaten Lampung Utara
From Wikipedia, the free encyclopedia
Remove ads
Kabupaten Lampung Utara (Aksara Lampung: 
) adolah salah satu kabupaten di Provinsi Lampung, Indonesia. Ibu kota kabupaten talatak di Kotabumi dan jumlah panduduak kabupaten iko pado taun 2020 bajumlah 636.908 jiwa, jo kapadatan 234 jiwa/km2.[3]
Kabupaten iko dulunyo adolah kabupaten paliang laweh di Provinsi Lampung nan tadiri ateh Kabupaten Lampung Utara kini, Kabupaten Way Kanan, Kabupaten Lampung Barat (nan kudian malahiakan Kabupaten Pesisir Barat), jo Kabupaten Tulang Bawang (nan juo malahiakan Kabupaten Tulang Bawang Barat jo Kabupaten Mesuji).
Remove ads
Sijarah
Pado mulo maso kamardekaan, manuruik UU RI Nomor 1 Tahun 1945, Lampung Utara marupokan wilayah administratif di baruah Karesidenan Lampung nan tabagi ateh babarapo kawedanan, kecamatan jo marga.[6]
Pamarintahan marga dihapuihkan jo Peraturan Presiden 3 Desember 1952 Nomor 153/1952 dan dibantuaklah "negeri" nan manggatikan status marga jo diagiah hak otonomi sapanuahnyo bakadudukan di bawah kecamatan. Dengan tajadinyo pamekaran babarapo kecamatan, tabantuaklah suatu negeri di bawah babarapo kecamatan sainggo acok ado benturan tugas pamarintahan. Status pamarintahan negeri jo kawedanan juo diapuihkan dek balakunyo UU RI Nomor 18 Tahun 1965.[6]
Manuruik UU RI Nomor 4 (Darurat) Tahun 1965, juncto UU RI Nomor 28 Tahun 1959, tentang Pembentukan Daerah Otonom Kabupaten-Kabupaten dalam Lingkungan Sumatera Selatan, tabantuaklah Kabupaten Lampung Utara di bawah Provinsi Sumatera Selatan. Kudian, Provinsi Lampung tabantuak manuruik UU RI Nomor 14 Tahun 1964, mako Kabupaten Lampung Utara masuak sabagai bagian dari Provinsi Lampung.[6]
Kabupaten Lampung Utara alah maalami tigo kali pamekaran sainggo wilayah nan samulo salaweh 19.368,50 km² kini tingga 2.765,63 km². Pamekaran wilayah partamo tajadi jo tabantuaknyo Kabupaten Lampung Barat manuruik UU RI Nomor 6 Tahun 1991, saingga Wilayah Lampung Utara bakurang 6 kecamatan yaitu: Sumber Jaya, Balik Bukit, Belalau, Pesisir Tengah, Pesisir Selatan jo Pesisir Utara.[6]
Pamekaran kaduo tajadi jo tabantuaknyo Kabupaten Tulang Bawang manuruik UU RI Nomor 2 Tahun 1997. Wilayah Lampung Utara maalami baliak pangurangan sabanyak 4 kecamatan yaitu: Menggala, Mesuji, Tulang Bawang Tengah dan Tulang Bawang Udik. Pamekaran katigo tajadi jo tabantuaknyo Kabupaten Way Kanan manuruik UU RI Nomor 12 Tahun 1999. Lampung Utara bakurang baliak 6 kecamatan yaitu: Blambangan Umpu, Pakuan Ratu, Bahuga, Baradatu, Banjit dan Kasui. Kabupaten Lampung Utara, kini tingga 8 kecamatan yaitu: Kotabumi, Abung Selatan, Abung Timur, Abung Barat, Sungkai Selatan, Sungkai Utara, Tanjung Raja jo Bukit Kemuning.[6]
Manuruik Peraturan Daerah Nomor 20 Tahun 2000 jumlah kecamatan dimekarkan manjadi 16 kecamatan jo mandefinitifkan 8 kecamatan pembantu yaitu: Kotabumi Utara, Kotabumi Selatan, Abung Semuli, Abung Surakarta, Abung Tengah, Abung Tinggi, Bunga Mayang jo Muara Sungkai.[6]
Manuruik Peraturan Daerah Nomor 8 Tahun 2006 tanggal 15 Agustus 2006 alah dimekarkan baliak 7 kecamatan nan baru, yaitu sabagai barikuik:[6]
- Kecamatan Hulu Sungkai ibu kota Gedung Maripat
- Kecamatan Sungkai Tengah ibu kota Batu Nangkop
- Kecamatan Sungkai Barat ibu kota Sinar Harapan
- Kecamatan Sungkai Jaya ibu kota Cempaka
- Kecamatan Abung Pekurun ibu kota Pekurun
- Kecamatan Abung Kunang ibu kota Aji Kagungan Kepala Kampung Syahrial Kunang
- Kecamatan Blambangan Pagar ibu kota Blambangan
Remove ads
Geografi
Sacaro geografis Kabupaten Lampung Utara talatak pado 104' 40 sampai 105'08 bujur timur dan 4'34 sampai 5'06 lintang selatan jo bateh - bateh wilayah sabagai barikuik:
Bateh Wilayah
| Utara | Kabupaten Way Kanan |
| Selatan | Kabupaten Lampung Tengah |
| Barat | Kabupaten Lampung Barat |
| Timur | Kabupaten Tulang Bawang Barat |
Pamarintahan
Daftar Bupati
Dewan Perwakilan
Barikuik iko adolah komposisi anggota DPRD Kabupaten Lampung Utara dalam duo periode tarakhia.[8][9]
.svg){kind=small}
Kecamatan
Kabupaten Lampung Utara tadiri ateh 23 kecamatan, 15 kelurahan, jo 232 desa. Pado taun 2017, jumlah panduduaknyo mancapai 885.591 jiwa jo laweh wilayah 2.725,87 km² dan sebaran panduduak 324 jiwa/km².[10][11]
Daftar kecamatan jo kelurahan di Kabupaten Lampung Utara, adolah sabagai barikuik:
Remove ads
Panduduak
Panduduak Kabupaten Lampung Utara manuruik Sensus Panduduak 2020 bajumlah 633.099 jiwa nan tadiri dari 322.935 jiwa panduduak laki-laki jo 310.164 jiwa panduduak padusi. Patumbuahan panduduak dari taun 2019 ka 2020 mancapai 0,78%. Samantaro itu kapadatan panduduak di kabupaten iko mancapai 232 jiwa/km2. Manuruik kecamatannyo, Kecamatan Kotabumi marupokan kecamatan paliang padek sabanyak 928 jiwa/km2 jo paliang langang yaitu Kecamatan Abung Pekurun sabanyak 67 jiwa/km2.[12]
Agamo
Agamo nan paliang banyak dianuik adolah agamo Islam nan mancapai 96,85%. Samantaro agamo lain nan dianuik panduduak Lampung Utara adolah Protestan 1,30%, Katolik 1,29%, Hindu 0,45%, jo Buddha 0,11%. Sadoalah agamo nan ado di Lampung Utara mandirikan tampek ibadahnyo surang, paliang banyak yaitu musajik sabanyak 1149 buah, sadangkan paliang saketek yaitu vihara sabanyak 1 buah.[12]
Etnis jo bahaso
Panduduak asali Kabupaten Lampung Utara adolah urang Lampung dari adat Pepadun, utamonyo dari kalangan urang Abung[13] jo urang Sungkai. Walau kaduonyo mamakai adat nan samo, bahaso nan dipakai kaduo suku ko babeda. Urang Abung dalam kasahariannyo mamakai bahaso Lampung Nyo dialek Abung, samantaro urang Sungkai mamakai bahaso Lampung Api dialek Sungkai.[14][15]
Etnis pandatang nan ado di kabupaten iko antaro lain Jao, Sunda, Ogan, Minangkabau, jo Batak.[16]
Remove ads
Rujuakan
Wikiwand - on
Seamless Wikipedia browsing. On steroids.
Remove ads