Kepulauan Bangka Belitung
From Wikipedia, the free encyclopedia
Remove ads
Provinsi Kepulauan Bangka Belitung (disingkek Babel) adolah sabuah provinsi di Indonesia nan tadiri dari duo pulau utamo yaitu Pulau Bangka jo Pulau Belitung sarato ratusan pulau ketek. Total pulau banamo nan ado bajumlah 470 pulau jo nan bapauni hanyo 50 pulau. Bangka Belitung talatak di bagian timur Pulau Sumatera, dakek provinsi Sumatera Selatan. Bangka Belitung tanamo sabagai daerah pangasia timah, mampunyoi pantai nan indah, sarato karukunan antar etnis. Ibu kota provinsi iko iolah Pangkalpinang. Pamarintahan provinsi iko disahkan pado tanggal 9 Februari 2001. Salapeh dilewakan Pj. Gubernur takni H. Amur Muchasim, SH (mantan Sekjen Depdagri) nan manandoi dimulainyo aktivitas roda pamarintahan provinsi.
Selat Bangka mamisahkan Pulau Sumatera jo Pulau Bangka, sadangkan Selat Gaspar mamisahkan Pulau Bangka jo Pulau Belitung. Di bagian utara provinsi iko ado Lauik Cino Selatan, bagian selatan adolah Lauik Jao jo Pulau Kalimantan di bagian timur nan dipisahkan dari Pulau Belitung dek Selat Karimata.
Provinsi Kepulauan Bangka Belitung sabalunnyo adolah bagian dari Sumatera Selatan, tapi manjadi provinsi tapisah basamo Banten jo Gorontalo pado taun 2000. Provinsi Kepulauan Bangka Belitung didirikan manuruik Undang-Undang Nomor 27 Tahun 2000 Tentang Pembentukan Provinsi Kepulauan Bangka Belitung tanggal 21 November 2000 nan tadiri dari Kabupaten Bangka, Kabupaten Belitung, jo Kota Pangkalpinang. Pado taun 2003 manuruik Undang-Undang Nomor 5 Tahun 2003 tanggal 23 Januari 2003 dilakukan pamekaran wilayah jo panambahan 4 kabupaten yaitu Bangka Barat, Bangka Tengah, Bangka Selatan, jo Belitung Timur.
Remove ads
Geografi
Cuaca dan Iklim
Taun 2007 kalambaban udaro di Provinsi Kepulauan Bangka Belitung bakisar antaro 77,4 % sampai dengan 87,3 % jo rato-rato perbulan mancapai 83,1 %, jo curah ujan antaro 58,3 mm sampai dengan 476,3 mm dan takanan udaro salamo taun 2007 sakitar 1.010,1 MBS. Rato-rato suhu udaro salamo taun 2007 di provinsi iko mancapai 26,7 darajaik C jo rato-rato suhu udaro maksimum 29,9 darajaik C dan rato-rato suhu udaro minimum 24,9 darajaik C. Suhu udaro maksimum tatinggi tajadi padao Bulan Oktober jo suhu udaro 31,7 darajaik C, sadangkan untuak suhu udaro minimum tarandah tajadi pado Bulan Februari jo Maret dengan suhu udaro sagadang 23,2 darajaik C.
Kapulauan Bangka Belitung mamiliki Iklim tropis nan dipangaruahi angin musim nan maalami bulan basah salamo tujuah bulan sapanjang taun dan bulan kariang salamo limo bulan taruih manaruih. Tahun 2007 bulan kariang tajadi pado Bulan Agustus sampai dengan Oktober jo ari hujan 11-15 ari per bulan. Untuak bulan basah ari hujan 16-27 hari per bulan, tajadi pado bulan Januari sampai Juli dan Bulan November sampai Bulan Desember.
Remove ads
Politik jo pamarintahan
Daftar Gubernur
Barikuik marupokan daftar Gubernur Kepulauan Bangka Belitung:
██ Non Partai / Penugasan Pemerintah ██ Partai Golongan Karya ██ Partai Amanat Nasional ██ Partai Bulan Bintang ██ Partai Demokrasi Indonesia Perjuangan ██ Partai Gerakan Indonesia Raya ██ Partai Kebangkitan Bangsa
Palaksana tugas
Barikuik daftar Palaksana Tugas Gubernur nan manggantikan Gubernur nan manjabaik dek cuti kampanye atau dalam maso transisi.
| Potret | Palaksana tugas Gubernur | Mulai jabatan | Akhia jabatan | Maso | Ket. | Gubernur Definitif | |
| Amur Muchasim (Pajabaik) |
9 Februari 2001 | 22 April 2002 | — | [7] | Transisi | ||
 |
Rustam Effendi (Palaksana Tugas) |
12 Agustus 2013 | 23 September 2013 | 3 (2012) |
Eko Maulana Ali | ||
| Yuswandi A. Temenggung (Palaksana Tugas) |
27 Oktober 2016 | 11 Februari 2017 | [ket. 1] | Rustam Effendi | |||
- Catatan
- Gubernur jo Wakil Gubernur Kepulauan Bangka Belitung cuti dalam kontestasi Pemilihan umum Gubernur Bangka Belitung 2017. Ditunjuak Sekretaris Jenderal Kementerian Dalam Negeri untuak manjadi Palaksana Tugas Gubernur Kepulauan Bangka Belitung.
- Katarangan
Daftar kabupaten jo kota
Remove ads
Demografi
Jumlah panduduak Provinsi Kapulauan Bangka Belitung pado taun 2010 (SP2010) sagadang 1.223.296 jiwa manunjuakkan paningkatan 36,06 persen dari taun 2000, dengan jumlah panduduak sagadang 899.095 jiwa (hasia Sensus Penduduk 2000). Panduduak Bangka Belitung disabuik urang Malayu Bangka-Belitung[9]
Jumlah panduduak laki-laki pado taun 2010 sabanyak 635.094 jiwa dan panduduak padusi sabanyak 588.202 jiwa. Rasio jinih kelamin taun nan samo sagadang 108, aratinyo pado taun 2010 untuak satiok 208 panduduak di Kepulauan Bangka Belitung ado 100 panduduak padusi dan 108 panduduak laki-laki. Tingkek patumbuahan panduduak Provinsi Kepulauan Bangka Belitung taun 2010 sagadang 2,83 persen, jikok ditinjau manuruik kabupaten/kota untuak periode taun 2010, tingkek patumbuahan tatinggi ado di Kabupaten Bangka Tengah 3,43 persen, diikuti Kota Pangkalpinang 3,06 persen dan Kabupaten Bangka 2,79 persen. Jumlah rumah tanggo di Kepulauan Bangka Belitung taun 2010 sabanyak 311.145 rumah tanggo dan kabupaten nan mamiliki jumlah rumah tanggo paliang gadang adalah Kabupaten Bangka sagadang 70.468 rumahtanggo dan nan mamiliki jumlah rumahtanggo paliang randah adalah Belitung Timur sagadang 27.941 rumahtanggo.
Adopun tingkek kapadatan panduduak Provinsi Kepulauan Bangka Belitung mancapai 74 urang per km2, apobilo dicaliak manuruik kabupaten/kota, Kota Pangkalpinang mamiliki tingkek kapadatan tatinggi yaitu sagadang 1.471 urang per km2 dan Kabupaten Belitung Timur mamiliki tingkek kapadatan paliang randah yaitu 42 orang per km2.
Bahaso
Bahaso-bahaso daerah nan dipakai di Kapulauan Bangka Belitung, antaro lain bahaso Kayu Agung jo bahaso Melayu. Bahaso Kayu Agung mamiliki sebaran di Desa Kimak dan Desa Sarang Mandi. Kaduo desa tasabuik mamiliki dialek bahaso Kayu Agung surang-surang, yaitu dialek Kimak jo dialek Sarang Mandi. Bahaso Melayu, nan dipakai di Kapulauan Bangka Belitung, mamiliki limo dialek, yaitu dialek Ranggi Asam di Desa Ranggi Asam, dialek Tua Tunu di Kelurahan Tua Tunu, dialek Jeriji di Desa Jeriji, dialek Tempilang di Desa Tempilang, dan dialek Mayang di Kecamatan Kelapa Kempit.[10]
Suku
Manuruik Sensus Penduduk Indonesia 2010, suku banso nan ado di Kapulauan Bangka Belitung sangaik baragam dari 1.219.398 jiwa panduduak, yakni suku asa Sumatera khususnyo Bangka Belitung, tamasuak suku Sekak, Sakai, Suku Ameng Sawang, Suku Lom, dan lainnyo sabanyak 841.771 jiwa (69,03%). Kudian suku Jawa 101.655 jiwa (8,34%), Tionghoa 99.624 jiwa (8,17%), asa Sumatera Selatan 47.956 jiwa (3,93%), Bugih 33.582 jiwa (2,75%), Sunda 18.958 jiwa (1,55%), Malayu 18.585 (1,52%), Madura 15.429 jiwa (1,27%), Batak 9.452 jiwa (0,78%), Minangkabau 4.232 jiwa (0,35%) dan suku lainnyo 2,31%.[11] Dalam Sensus Penduduk Indonesia 2010, suku dari Sumatera lainnyo, indak tamasuak suku Malayu, sainggo Malayu dietong tapisah dari suku Sumatera nan ado di Bangka Belitung.
Agamo
Panduduak Kapulauan Bangka Belitung marupokan masyarakaik nan baragamo dan manjunjuang tinggi karukunan baragamo. Tampek ibadaik agamo di Provinsi Kapulauan Bangka Belitung ado sabanyak 730 musajik, 454 musala, 115 surau, 87 gareja protestan, 30 gareja katolik, 48 vihara jo 11 centiya. Pado pambarangkatan haji taun 2007 jumlah jemaah haji nan tadaftar dan dibarangkekkan ka tanah suci sabanyak 1.012 jemaah.
Manuruik data Kementerian Dalam Negeri taun 2020, persentase agamo panduduak provinsi Kepulauan Bangka Belitung adolah Islam 89,99%, kudian Budha 4,43%, Kristen 3,40% (Protestan 2,09% jo Katolik 1,31%), Konghucu 2,01%, Hindu 0,08% jo Kapicayoan 0,09%.[4]
Remove ads
Rujuakan
Pautan lua
Wikiwand - on
Seamless Wikipedia browsing. On steroids.
Remove ads