Sarwendah Tan

Sarwendah atau biaso disabuik Wenda (lahia di Jakarta, 29 Agustus 1989; umua 35 taun), adolah anggota grup musik Cherrybelle nan tadahulu. Saalun tingga di Jakarta, kaduo urang tuonyo barasa dari Jakarta.

Sarwendah
Namo lahia	Sarwendah
Namo lain	Wenda
Lahia	29 Agustus 1989 (umua 35) Jakarta, Indonesia
Karajo	Panyanyi, Model
Hubuangan	Ruben Onsu
Mampangaruahi	Cherrybelle 7icons
Pasangan	Ruben Onsu (11 Agustus 2012 - kini)
Anak	Betrand Peto Putra Onsu, Thalia Putri Onsu, Thania Putri Onsu [1]
Urang tuo	Hendri Klow (abak); Rospita Tyoa (amak)
Akun Twitter	Sarwendah29

Biografi

Wakatu masih tagabuang dalam Cherrybelle, Wenda marupoan anggota tatuo kaduo satalah Devi. Wenda manampuah pandidikan sekolah manangah patamonyo di Malaysia, SMA di Taiwan, jo kuliah di Beijing. Pado bulan Desember 2010, inyo ikuik seleksi pamilihan anggota Cherrybelle dan pado bulan Pebruari inyo tapiliah basamo 9 kontestan lainnyo dari 400 calon. Wenda nan paliang dakek jo Devi diantaro member Cherrybelle nan lain. Sabalun tagabuang dalam Cherrybelle, Wenda pernah manjalani profesi sabagai pantarjamah karano kaahliannyo dalam babahaso Mandarin.

Namo fans Wenda adolah Wendaddict.

Wenda alah dipensiunan dari Cherrybelle dek produsernyo pado tanggal 12 April 2012 dikaranoan umuanyo nan alah manginjak dewasa.

Kaiduikan pribadi

Pado tanggal 11 Agustus 2012, Wenda jo Ruben Onsu alah batunangan jo malakukan tuka cincin.^[2] Pasangan iko kamudian mangucokan janji suci panikahan pado 22 Oktober 2013 di sabuah chapel di daerah Nusa Dua, Bali. Kini Wenda jo Ruben alah punyo anak nan lahia pado tanggal 5 Juni 2015 nan diagiah namo Thalia Putri Onsu.

Diskografi

• Love is You (2011)
• Patah Jadi Dua (2015)

Film televisi

• Happy 21 (2011)

Film

• Love is U (2012)
• Nightmare Side (2013)

Seri televisi

• Chibi Chibi Burger (2012)
• Cinta Cenat Cenut 3 (2012)
• Lolly Love (2012)