Јекабпилс
From Wikipedia, the free encyclopedia
From Wikipedia, the free encyclopedia
Јекабпилс (латвиски: Jēkabpils; германски: Jakobstadt; полски: Jakubów) — град на реката and spanning Даугава (Западна Двина) во југоисточна Латвија, на половина пат меѓу Рига и Даугавпилс. Историски, Јекабпилс бил сместен на левиот брег на реката, во областа Селонија, додека Крустпилс (Кројцбург) бил на левиот, во областа Латгалија. Во 1962 г. градовите се обединиле под името Јекабпилс, но подрачјата го имаат задржано својот регионален карактер. Градот е административен центар на истоимената општина.
Јекабпилс Jēkabpils | |||
---|---|---|---|
град | |||
Плоштадот во Јекабпилс | |||
Местоположба во Латвија | |||
Координати: 56°29′58″N 25°52′42″E | |||
Земја | Латвија | ||
Станал град | 1670 | ||
Управа | |||
• Градоначалник | Леонид Салцевич | ||
• Советници | 13 | ||
Површина | |||
• Вкупна | 26,284 км2 (10,148 ми2) | ||
Население (1 јануари 2016)[1] | |||
• Вкупно | 24.146 | ||
• Густина | 0,92/км2 (2,4/ми2) | ||
Час. појас | EET (UTC+2) | ||
• Лето (ЛСВ) | EEST (UTC+3) | ||
Пошт. бр. | LV-52(01–06) | ||
Повик. бр. | (+371) 652 | ||
Мреж. место | jekabpils.lv |
Кај градот се наоѓа воздушната база „Јекабпилс“ во служба на латвиското воено воздухопловство.
Во 1237 г. Епископот Ришки го изградил замокот Кројцбург (денес Крустпилс) веднаш до веќе постоечка населба. Археолошките ископувања на блиската тумба Асоте укажуваат на тоа дека ова место било трговски значајно за латвинското племе Латгалци, кои живееле тука уште во 1000 г. п.н.е. Со изградбата на замокот, населбата се проширила во поголемо село, кое го добило името Крустпилс. Селото било разрушувано до темел во честите воени судири како што се битките меѓу Полска и Шведска, но секогаш било градено одново.
Во XVII век крај Даугава се доселиле староверници прогонети од Русија. Оваа населба почнала да се зголемува, за во 1670 г. да биде прогласена за град од војводата на Куронија, Јакоб Кетлер и го добила името Јекабпилс (гер. Јакобшат) во негова чест.
Според преданието за потеклото на градот, еден ден војводата бил во лов и се изгубил. Крај реката Даугава си ја нашол среќаата, истовремено здогледувајќи рис под елка и населено место. Согласно преданието, на грбот на Јекабпилс е прикажан рис застанат под елка.
Јекабпилс има население од 29.100 жители. Двата историски дела на градот — стариот Јекабпилс и Крустпилс — се поврзани со мост преку реката Даугава.
На 1 јануари 2013 г. населението на градот броело 25.883 жители.
Најстариот дел од градот и постарите градби се зачувани.
Еден од потезите на Струвеовиот геодетски лак минувал низ Струвеовиот парк во денешната општина Јекабпилс. Недалеку од градот, во местото Таденава се наоѓа спомен-куќата на големиот латвиски поет Рајнис (1865-1929). Тука се и рушевините на замоците Јустине и Дигнаја. Во атарот на Клауце се наоѓа највисоката точка во Селонија — ридот Ормањкалнс. По патот меѓу Нерета и Акнисте е сместен и музејот „Риекстињи“ во чест на познатиот писател Јанис Јаунсудрабињш (1877-1962).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.