From Wikipedia, the free encyclopedia
Стадион Едукејшн Сити (арапски: إِسْتَاد المدينة التعليمية, транскрипција: Истад ал-Мадина ат-Талимија) — фудбалски стадион во Ал Рајан, Катар, наменет да се користи за натпревари на Светско првенство во фудбал на ФИФА 2022, кое започнало на 20 ноември 2022 година. Стадионот се наоѓа во близина на неколку универзитетски кампуси. По Светското првенство на ФИФА, стадионот ќе има 25.000 седишта, а ќе се употребува од универзитетските атлетски тимови. На 3 септември 2020 година, на стадионот се одиграл првиот официјален натпревар, натпревар од Катарското првенство.
Стадионот се наоѓа на околу 7 километри северозападно од Доха.
Стадионот се наоѓа на периферијата на главниот град Доха и има капацитет од 40.000 седишта. Го добил прекарот „Дијамантот во пустината“.[1] Со 20 проценти од градежните материјали идентификувани како зелени, стадионот е меѓу еколошки најодржливите стадиони во светот.
На 30 септември 2019 година, ФИФА му го доделил финалето и натпреварот за трето место на Светското клупско првенство на Стадионот Едукејшн Сити во 2019 година, при што турнирот се одржувал во Катар.[2] Стадионот, исто така, би бил домаќин на првиот натпревар на Ливерпул во полуфиналето, но на 7 декември 2019 година, официјалното отворање на стадионот било одложено до почетокот на 2020 година.[3] Така, натпреварот на Ливерпул, финалето и натпреварот за третото место биле преместени на Меѓународниот стадион Калифа во Доха.[4]
Светското клупско првенство на ФИФА 2020 година повторно се одржало во Катар. Еден натпревар од второто коло, еден полуфинален натпревар, натпреварот за третото место и финалето помеѓу Баерн Минхен и Тигрес УАНЛ се одржале на стадионот.[5] Во 2020 година, стадионот бил домаќин на натпреварите од Источната и Западната зона од Лигата на шампионите на АФЦ во 2020 година.[6]
Стадионот бил домаќин на пет натпревари за време на Арапскиот куп 2021 на ФИФА.[7]
Како и другите стадиони изградени за Светскиот куп на ФИФА во 2022 година, Стадионот бил предмет на контроверзии поради третманот и статусот на работниците мигранти вработени на градилиштата.[8] Во извештајот, Амнести интернешенел го критикувале Катар за неуспехот да ја истражи, исправи и спречи смртта на работниците мигранти.[9]
Датум | Час | Тим 1 | Резултат | Тим 2 | Рунда | Гледачи |
---|---|---|---|---|---|---|
1 декември 2021 | 22:00 | Саудиска Арабија | 0–1 | Јордан | Група Ц | 4,777 |
3 декември 2021 | 16:00 | Предлошка:Country data OMA | 1–2 | Катар | Група А | 23,254 |
4 декември 2021 | 22:00 | Палестина | 1–1 | Саудиска Арабија | Група Ц | 3,075 |
7 декември 2021 | 22:00 | Либан | 1–0 | Предлошка:Country data SDN | Група Д | 5,991 |
10 декември 2021 | 18:00 | Тунис | 2–1 | Предлошка:Country data OMA | Четвртфинале | 21,329 |
Датум | Час | Тим 1 | Резултат | Тим 2 | Рунда | Гледачи |
---|---|---|---|---|---|---|
22 ноември 2022 | 16:00 | Данска | 0–0 | Тунис | Група Д | 42,925 |
24 ноември 2022 | 16:00 | Уругвај | 0–0 | Јужна Кореја | Група Х | 41,663 |
26 ноември 2022 | 16:00 | Полска | 2–0 | Саудиска Арабија | Група Ц | 44,259 |
28 ноември 2022 | 16:00 | Јужна Кореја | Гана | Група Х | ||
30 ноември 2022 | 18:00 | Тунис | Франција | Група Д | ||
2 декември 2022 | 18:00 | Јужна Кореја | Португалија | Група Х | ||
6 декември 2022 | 18:00 | Победник група Ф | Второпласиран група Е | Осминафинале | ||
9 декември 2022 | 18:00 | Победник Натпревар 53 | Победник Натпревар 54 | Четвртфинале |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.