Рисер-Ларсеново Море

Рисер-Ларсеново Море (англиски: Riiser-Larsen Sea) — рабно море на Јужниот Океан над Источниот Антарктик и јужно од Индискиот Океан. Се протега од Астридскиот Срт на запад до Гунерусовиот Срт и гребенот Кајнанмару на исток.^[1] Се граничи со Лазаревото Море на запад и Космонаутското Море на исток, опфаќајќи го просторот помеѓу 14° и 30° ИГД. Северната граница ја исцртува 65. јужен напоредник.

Положбата на Рисер-Ларсеновото Море (најгоре) во Јужниот Океан.

Јужно од ова подрачје се сместени Брегот на Принцезата Астрид и Брегот на Принцезата Рагнхилда во рамките на Земјата на Кралицата Мод. Во западниот дел се протега Лазаревата Ледена Плоча, а источно се ледените пристаништа Ерскин и Годел, како и поранешната белгиска станица „Крал Бодуен“.

Име

Морето е наречено во Советската антарктичка експедиција од 1962 г. во чест на норвешкиот воздухопловен пионер и поларен истражувач Јалмар Рисер-Ларсен (1890–1965), но ова име не е признаено од Меѓународната хидрографска организација (МХО),^[2] туку се води само во советски и руски карти.^[3]

Поврзано

• Рисер-Ларсенова Ледена Плоча
• Рисер-Ларсенов Полуостров

Наводи

1. Leitchenkov, G.; Guseva, J.; Gandyukhin, V.; Grikurov, G.; Kristoffersen, Y.; Sand, M.; Golynsky, A.; Aleshkova, N. (2008). „Crustal structure and tectonic provinces of the Riiser-Larsen Sea area (East Antarctica): results of geophysical studies“ (PDF). Marine Geophysical Researches. 29 (2): 135–158. doi:10.1007/s11001-008-9051-z. Посетено на 18 February 2018.
2. „Граници на океаните и морињата, III издание“ (PDF). Меѓународна хидрографска организација. 1953. Архивирано од изворникот (PDF) на 2011-10-08. Посетено на 5 June 2015. (англиски)
3. „Руска карта на Антарктикот“. Архивирано од изворникот на 2007-03-20. Посетено на 5 July 2015.

68°00′S 22°00′E