Слендермен
From Wikipedia, the free encyclopedia
Слендермен (англиски: Slender Man, македонски: „Тенкиот Човек“), познат и како Слендер (англ. Slender) — измислен лик создаден како интернет-мем од корисникот на семрежниот форум Something Awful — Ерик Кнудсен (познат како „Виктор Серџ“) во 2009 г. Тој е прикажан како налик на неприродно висок, слаб, безличен човек облечен во црн костум и црвена или понекогаш црна вратоврска со пипала зад грбот. Приказните за Слендермен обично вклучуваат следење, грабнување и јадење луѓе, особено деца.[1] Ликот Слендермен не е ограничен на една приказна, туку се појавува во разни творби, плод на уметнички измислици, најчесто создадени на семрежјето.[2]