Ѓолаја

Ѓолаја или Арџан (грчки: Δοϊράνη, Дојрани, Αρτζάν, Арѕан, Αγιάκι, Ајаки) — река во Дојранско и Кукушко, Егејска Македонија.^[1][1]

Ѓолаја Δοϊράνη
Местоположба
Земји	Грција
Крај	Дојранско и Кукушко, Егејска Македонија
Физички особености
Извор
• место	Дојранско Езеро кај Дојран
• координати	41.1801°N 22.7615°E / 41.1801; 22.7615
Устие
• место	Вардар кај Вардаровци
• координати	40.8527°N 22.6392°E / 40.8527; 22.6392
Особености на сливот
извор утока

Местоположба

Реката е единствениот истек на Дојранското Езеро. Името и доаѓа од турскиот поим ѓол, што значи „езеро“. Излегува од јужниот крај на езерото, кај селото Дојран. Тече на југ и минава низ Владајската Клисура источно од селото Владаја. Проаѓа источно од Крондирци и Хрсово, западно од Новоселјани, па ја прима големата лева притока Кара Су и нагло свртува на запад. Под името Арџан минува северно од Маловци, јужно од Мијалово и свртува на југ. Тука по течението на реката во минатото биле последователно сместени блатата Арџанско и Аматовско Езеро, пресушени во 1928 – 1932 г. Арџанското Езеро на почетокот на XX век е претворено во вештачка акумулација.^[2][3] По акумулацијата, реката влегува во регулиран канал и се влева во Вардар како негова лева притока јужно од Вардаровци.^[1]