Новоселјани (Кукушко)

Новоселјани или Јениќој (грчки: Ελευθεροχώρι, Елефтерохори, до 1927 Γενή Κιόι, Јениќој)^[2] — село во Општина Кукуш во Кукушкиот округ, Егејска Македонија, денес во областа Централна Македонија, Грција.

Новоселјани Ελευθεροχώρι
Новоселјани
Местоположба во областа Новоселјани Местоположба на Новоселјани во Општина Кукуш и областа Централна Македонија
Координати: 41°4′N 22°45′E
Земја	Грција
Област	Централна Македонија
Округ	Кукушки округ
Општина	Кукуш
Општ. единица	Кукуш
Надм. вис.	&1000000000000006400000064 м
Население (2001)[1]
• Вкупно	247
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа на 13 километри северозападно од градот Кукуш, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 64 метри.

Историја

Според статистиката на Васил К’нчов („Македонија. Етнографија и статистика“) во 1900 година Новоселјани имало 125 жители Македонци^[3][4].

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 176 Македонци и работело егзархиско училиште^[3][5].

Во текот на Втората балканска војна, селото било опожарено од страна на грчките војски а самото македонско население било принудено да побегне од своите домови. Голем дел од македонското население заминало од селото^[6].

По крајот на Балканските војни, селото било вклучено во составот на Грција. На пописот од 1913 година селото било евидентирано како напуштено село, додека во 1920 селото не се споменува.

Според Лозанскиот договор, во селото било населено грчко население. Во 1926 година, селото било преименувано во Елефтерохори.^[7]

Демографија

Во 1928 година селото било чисто бегалско со 182 жители бегалци.^[8], додека во 1940 година селото броело 332 жители.

Селото во пописот од 1951 година броело 304 жители, на пописот од 1961 година, во селото живееле 301 жител, во 1971 година имало 188 жители, во 1981 година имало 176 жители, додека во 1991 година имало 176 жител^[9]. Денеска, населението на селото е 247 жители според пописот од 2001 година.

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	332	304	301	188	176	176	247	—

Извор за 1940-1991 г.: Т. Симовски, Населените места во Егејска Македонија