Јосип Стритар

Јосип Стритар (6 март 1836 – 25 ноември 1923 година) бил словенечки писател, поет, есеист, првиот естетски критичар, драматург, издавач и преведувач.

Јосип Стритар
Стритар слика од 1920 г.
Роден/а	6 март 1836(1836-03-06) Подсмрека, Австриско Царство (сегашна Словенија)
Починат/а	25 ноември 1923(1923-11-25) (возр. 87) Рогашка Слатина, Кралство СХС (сегашна Словенија)
Занимање	Писател поет драмтург
Значајни дела	Зорин, Господ Миродолски, Росана, Содникови

Животот

Стритар го поминал своето рано детство во неговото родно село Подсмрека во руралните области Долењска и бил испратен на училиште во Љубљана. Негови родители биле Андреј Стритар и Уршула Јакиќ. Во 1855 година заминал да студира во Виена и ги завршил студиите во 1874 година, по што станал асистент во Гимназијата Херналс, а по 1878 година професор во Јозефштат, каде што останал до пензионирањето во 1901 година. Стритар се вратил во Словенија во јануари 1923 година, откако регионалната влада во Љубљана му доделила куќа во Рогашка Слатина како признание за неговата работа. Таму живеел до својата смрт и бил погребан во Љубљана.

Работа

Еден од неговите значајни придонеси бил воведот во изданието од 1866 година на собраните песни на Францe Прешерен, каде што тој ја посочи важноста на неговите песни за зародишот словенечки национален идентитет. Во 1880-тите и 1890-тите тој превел голем дел од Библијата на словенечки јазик, која била објавена од Британското и странското библиско друштво.

И покрај тоа што поголемиот дел од својот живот го живееше во Виена, тој бил многу восхитен и ценет дома дури и за време на неговиот живот и бил прогласен за почесен член на Југословенската академија на науките и уметностите во 1919 година.

Комеморација

Главната улица што води од Тромостовје кон градскиот плоштад во Љубљана е именувана како Улица Стритар во чест на Стритар. Родната куќа на Стритар е заменета со друга зграда; од неговиот период зачувана е само житница. Уреден е во етнографски музеј.