Џими Клиф

Џејмс Чемберс (роден на 30 јули 1944), професионално познат како Џими Клиф ― јамајски ска, рокстиди, реге и соул музичар, мултиинструменталист, пејач и глумец. Тој е единствениот жив реге музичар носител на Орден за заслуги, највисока чест што ја доделува владата на Јамајка за исклучително достигнување во уметноста и науката.

Џими Клиф
Клиф на настап во 2012
Животописни податоци
Родено име	Џејмс Чемберс
Роден(а)	30 јули 1944(1944-07-30) (80 г.)[1] Сент Џејмс, Колонија Јамајка
Жанрови	Ска, рокстиди, реге, соул
Занимања	Музичар, пејач, глумец
Инструменти	Вокал гитара пијано конга клавијатури
Период на активност	1962–денес
Издавачи	Island JAD Records Columbia Trojan EMI CBS [2]
Мреж. место	jimmycliff.com

Клиф е најпознат со песните: „Many Rivers to Cross“, „You Can Get It If You Really Want“, „The Harder They Come“, „Reggae Night“ и „Hakuna Matata“ и неговите преработки на „Wild World“ од Кет Стивенс и „I Can See Clearly Now“ од Џони Неш за филмот Реге на мраз. Глумел во филмот The Harder They Come, кој помогнал да се популаризира регето ширум светот,^[3] и во Club Paradise. Во 2010 година, Џими Клиф бил примен во Куќата на славните од рокенролот.

Ран живот и образование

Џими Клиф е роден како Џејмс Чемберс на 30 јули 1944 година во Сент Џејмс, Колонија Јамајка.^[4] Почнал да пишува песни уште додека бил во основно училиште. На негови 14 години, татко му го однел во Кингстон, каде го презел уметничкото име Џими Клиф.^[5]