Џума (Кајларско)

Џума или Џумаја (грчки: Χαραυγή, Харавги, до 1961 г. Αμύγδαλα, Амигдала,^[2] до 1928 Τζουμά, Ѕума^[3]) — село во Кајларско, Егејска Македонија, денес во општината Кожани на Кожанскиот округ на областа Западна Македонија, Грција.

Џума Χαραυγή
Џума
Местоположба во областа Џума Местоположба на Џума во општината Кожани и областа Западна Македонија
Координати: 40°26.31′N 21°50.27′E
Земја	Грција
Област	Западна Македонија
Округ	Кожани
Општина	Кожани
Општ. единица	Хелеспонт
Надм. вис.	&10000000000000732000000732 м
Население (2011)[1]
• Вкупно	6
Час. појас	EET (UTC+2)
• Лето (ЛСВ)	EEST (UTC+3)

Географија

Селото наоѓа во рамницата Сариѓол, во западното подножје на планината Каракамен.

Историја

Османлиско време

Своревемено Џума била најголема населба во Кајларската каза и нејзино седиште. Кога Сариѓолското Блато почнало да се прошитува, се појавила маларија и седиштето е префрлено во Кајлари, поради што тоа почнало да расте повеќе.^[4]

Во „Етнографија на вилаетите Адријанопол, Монастир и Салоника“ се вели дека во 1873 г. Џумаја (Djoumaya) било село во Џумалиската каза со 600 домаќинства од 1180 жители муслимани.^[5]

Во 1889 г. Стефан Верковиќ („Топографическо-этнографическій очеркъ Македоніи“) напишал за Џума:

„

На половина час на запад одовде [Бајракли] се наоѓа муслиманското село Џума, поделено на два дела, од кој едниот е во шумовита месност, а другиот во рамницата. Во него има 36 куќи и 105 нуфузи, кои плаќаат 3800 пјастри данок. Во селото има 2 џамии и неколку извори со добра вода. Близу до селото во петок се одржува пазар.[6]

“

Според статистиката на Васил К’нчов („Македонија. Етнографија и статистика“) в 1900 година Џумаја е турско село в Кајлярската каза со 850 жители Турци.^[7]

Според грчка статистика од 1904 г. во Џума (Τζουμά) живеат 700 Турци.^[8]

Во Грција

По Втората балканска војна во 1913 г. селото е припоено кон Грција. Во 1920-тите години турското население е иселено и на негово место се грчки доселеници од Мала Азија. Во 1928 г. селото е заведено како чисто дојденско, сочинето од 299 семејства на 1256 грчки доселеници.^[9] Истата 1928 г. селото е преименувано во Амигдала, а во 1961 г. во Харавги. Подоцна е преместено и почнува да се нарекува Нова Џума (Неја Харавги). Старото село Џума во 2011 година се води со 6 жители.

Места во заедницата Џума преименувани со службен указ на 31 јули 1969 година

Име	Име	Ново име	Ново име	Опис
Трипан Чаир[10]	Τρυπάν Τσαΐρ	Ливади	Λιβάδι[11]	месност на ЈЗ од Џума[10]
Селме	Σελμὲ	Вриси Кардијас	Βρύση Καρδιάς[11]
Бејка	Μπέηκα	Като Синикија	Κάτω Συνοικία[11]
Трап	Τράπ	Амбелија	Άμπέλια[11]
Грумуради[10]	Γκρουμουράδι	Рема	Ρέμα[11]	река на СИ од Џума[10]

Личности

Родени во Џума

• Митко Атанасов (? – 1912) — учесник во Првата балканска војна во состав на Македонско-одринските доброволни чети, загинал на 5 ноември 1912 г.^[12]
• Теофилакт Георгијадис (р. 1951) — јордански архиепископ на Ерусалимската патријаршија
• Јероклис Михаилидис (р. 1960) — глумец

Други

• Соња Теодориду (р. 1958) — оперска пејачка по потекло од Џума