АКЕ инхибитор
From Wikipedia, the free encyclopedia
Remove ads
Инхибитори на ангиотензинскопретворачки ензим (АКЕ инхибитори) се класа на лекови кои примарно се користат во третманот на висок крвен притисок и срцева слабост.[1][2] Тие делуваат преку релаксација на крвните садови како и преку намалување на крвниот волумен, што доведува до намалување на крвниот притисок и намалена побарувачка на кислород од срцето.
АКЕ инхибиторите вршат инхибиција на активноста на ангиотензинскопретворачкиот ензим, важна компонента на системот ренин–ангиотензин, кој учествува во претворањето на ангиотензин I во ангиотензин II,[3] и инхибиција на хидролизата на брадикинин.[1] Оттука, АКЕ инхибиторите го намалуваат формирањето на ангиотензин II, кој е вазоконстриктор, и го зголемуваат нивото на брадикинин, кој е пептиден вазодилататор.[1][3] Оваа комбинација е синергистичка во намалувањето на крвниот притисок.[1][3]
Во оваа група на лекови спаѓаат: беназеприл, зофеноприл, периндоприл, трандолаприл, каптоприл, еналаприл, лизиноприл и рамиприл.
Remove ads
Наводи
Wikiwand - on
Seamless Wikipedia browsing. On steroids.
Remove ads