Авиоимпекс

Авиоимпекс — поранешна македонска авиокомпанија со седиште во Скопје.

Авиоимпекс
Avioimpex

IATA ICAO Ознака M4 AXX IMPEX
Основан	септември 1992
Престанал со работа	септември 2002
Работни бази	Меѓународен аеродром Скопје, Скопје Аеродром „Св. Апостол Павле“, Охрид
Летала	11 (вкупно)
Седиште	Скопје
Раководство	Илија Смилев (генерален директор)
Вработени	350

Историја

Мекдонел Даглас MD-80 на Авиоимпекс

Туполев Ту-154 на Авиоимпекс во 1993 година

Компанијата била формирана како „Интеримпекс-Авиоимпекс“ во септември 1992 година. Авиокомпанијата го сменила името во Авиоимпекс на 2 ноември 1999. Во септември 2002 година Агенцијата за цивилно воздухопловство ја одзела лиценцата за работа на Авиоимпекс поради финансиски потешкотии.^[1][2]

Одредишта

Компанијата организирала летови од Скопје и Охрид, но со главен осврт со летови кон Швајцарија (Цирих).

Флота

Флотата на Авиоимпекс ја сочинувале 11 авиони:

• 1 Мекдонел Даглас DC-9^[3]
• 5 Мекдонел Даглас MD-80^[3]
• 3 Туполев Ту-154^[3]
• 2 Јаковлев Јак-42^[3]

Инцидент

На 20 ноември 1993, Јаковлев Јак-42 (Лет 110) на Авиоимпекс се срушил во билизна на охридскиот аеродром. Авионот се враќал за Скопје од Женева, но бил пренасочен да слета на аеродромот во Охрид поради лошите временски услови на скопскиот аеродром.^[4]

При доближување до аеродромот, авионот се удрил во рид во атарот на селото Тројани во непостредна близина до аеродромот. Осумчлениот екипаж и 108 патници го загубиле својот живот. Летот првично го преживеал еден патник кој подоцна подлегнал на повредите на 1 декември.