Административна поделба на Велс

Велс е поделен на 22 области наречени „главни области“ (англиски: principal areas), почнувајќи од 1996 г.^[1] Со нив управуваат избрани совети, во чија надлежност се образованието, социјалата, заштитата на животната средина и највеќето патишта. Во состав на управата постојат и совети на заедниците (community councils) со надлежност врз поединечни сфери.

Монархот назначува свој лорд-намесник (Lord Lieutenant) како негов претставник во секоја од зачуваните грофовии во Велс, кои се целини со церемонијална намена.

Во април 2013 г. е најавено дека организациската поставеност на управата треба да се преработи со комисија, за да се утврди подобар начин на распределба на надлежностите.^[2]

Области во Велс

Велс е поделен на 22 области (principal areas), создадени во 1996 г.^[3] Од нив, 11 се наречени грофовии (counties), а 11 се грофовиски реони (county boroughs), а некои од нив се градови,^[4] меѓу кои и Њупорт, прогласен за град (city) во 2002 г..^[5][6]

Карта на областите во Велс

• Англси (анг. Isle of Anglesey; вел. Ynys Môn)
• Блајнај Гвент (анг. и вел. Blaenau Gwent)
• Бриџенд (анг. Bridgend; вел. Pen-y-bont ar Ogwr)
• Гвинед (анг. и вел. Gwynedd)
• Гламорганска Долина (анг. Vale of Glamorgan; вел. Bro Morgannwg)
• Денбишир (анг. Denbighshire; вел. Sir Ddinbych)
• Кардиф (анг. Cardiff; вел. Caerdydd)
• Кармартеншир (анг. Carmarthenshire; вел. Sir Gaerfyrddin)
• Карфили (анг. Caerphilly; вел. Caerffili)
• Кередигион (анг. и вел. Ceredigion)
• Конви (анг. и вел. Conwy)
• Мертир Тидвил (анг. Merthyr Tydfil; вел. Merthyr Tudful)
• Монмутшир (анг. Monmouthshire; вел. Sir Fynwy)
• Нит Порт Толбот (анг. Neath Port Talbot; вел. Castell-nedd Port Talbot)
• Њупорт (анг. Newport; вел. Casnewydd)
• Пембрукшир (анг. Pembrokeshire; вел. Sir Benfro)
• Повис (анг. и вел. Powys)
• Рексам (анг. Wrexham; вел. Wrecsam)
• Ронда Кинон Тав (анг. и вел. Rhondda Cynon Taf)
• Свонзи (анг. Swansea; вел. Abertawe)
• Торвајн (анг. Torfaen; вел. Tor-faen)
• Флинтшир (анг. Flintshire; вел. Sir y Fflint)

Градови

Во земјата има вкупно шест града, покрај трите области со статус на град (заедниците Бангор, Сент Дејвидс и Сент Асаф).

• Бангор
• Кардиф
• Њупорт
• Сент Асаф
• Сент Дејвидс
• Свонзи

Зачувани грофовии

Главна статија: Зачувани грофовии во Велс

Во Велс постојат 8 зачувани грофовии (preserved counties), што имаат церемонијална намена (намесништво и сл.) а се засноваат на претходниот административен систем (1972-1996).

Историски грофовии

Главна статија: Историски грофовии во Велс

Историските грофовии се традиционални целини во земјата кои имале значење низ вековите, како и улога на административни единици од 1889 до 1974 г.

Заедници

Најмала административна единица во Велс е заедницата (community). Секоја област е поделена на вакви заедници, кои можат да имаат свои совети, со извесни надлежности на месно ниво, како и претставување на нивните подрачја во поголемите органи. Во помалите урбани места и во градовите се нарекуваат градски совети. Заедниците кои се премали за да имаат совет имаат „собор на заедницата“ (community meeting), кој функционира како непосредна демократија.

Поврзано

• Географија на Велс
• Список на градови во Велс
• Административна поделба на Англија
• Административна поделба на Северна Ирска
• Административна поделба на Шкотска

Надворешни врски

• Локална самоуправа во Обединетото Кралство (англиски)