Алберто Кошта
From Wikipedia, the free encyclopedia
Remove ads
Алберто Оливеира Бајо (роден на 29 септември 2003 година, во Санто Тирсо) — португалски фудбалер, играч од одбраната на Јувентус.
Remove ads
Биографија
Роден законски како Алберто Оливеира Бајо, тој одбрал да го носи презимето Кошта, во чест на неговиот очув.[2]
Технички карактеристики
Неговата позиција е десен бек. Со оглед на неговите квалитети во нападот, својата идеална позиција ја пронашол како крилен играч во 3-5-2 формација.[3][4]
Клупска кариера
Виторија Гимараеш
Роден во Санто Тирсо во метрополитенската област Порто, Кошта се приклучил на младинските редови на Виторија Гимараеш во 2013 година. Тој бил промовиран во тимот под 23 години кога бил на возраст од само 17. Откако одиграл еден натпревар за нив и тренирал со Б-тимот, тој потпишал тригодишен договор во април 2021 година, во кој била вметната и откупна клаузула од 30 милиони евра.[5]
Коста започнал да тренира со првиот тим во октомври 2023 година и бил вклучен во составите за натпреварите под водството на тренерот Алваро Пашеко.[6] На 11 јануари, тој го направил своето деби за првиот тим во петтото коло на Купот на Португалија, во победата со 1–0 дома над Пенафиел, во која ги одиграл последните минути влегувајќи како замена за повредениот Мигел Мага.[1] Во првенството дебитирал на 21 април 2024 година, играјќи ги последните 15 минути во поразот со 3–0 на гости кај Спортинг Лисабон, што бил неговиот единствен настап во Примеира лига за сезоната 2023–2024.[7]
Следната сезона, под водството на тренерот Руи Боржеш, тој започнал да игра редовно на позицијата десен бек. На 12 декември 2024, го постигнал својот прв гол во кариерата во победата со 1-4 над Санкт Гален во УЕФА Лигата на конференции.[8]
Јувентус
На 15 јануари 2025 година, тој бил купен од Јувентус, со кого потпишал договор со важност до 30 јуни 2029 година.[9][10] Своето деби за клубот го имал на 26 февруари во натпреварот од четвртфиналето на Купот на Италија, загубен на пенали од Емполи, влегувајќи како замена во 84-тата минута на местото на Андреа Камбјазо.[11] На 3 март, тој го имал своето деби во Серија А во победата од 2-0 против Верона, заменувајќи го Тимоти Веа во второто полувреме.[12] Во Јувентус се задржал само шест месеци, напуштајќи го клубот во летото 2025 година после 14 одиграни натпревари.[13]
Порто
На 24 јули 2025 година, тој се вратил во Португалија приклучувајќи му се на Порто, со кого потпишал договор со важност до 30 јуни 2030 година.[13][14]
Репрезентативна кариера
Кошта играл за португалските младински репрезентации под 18 години и под 20 години.
Статистика на кариерата
Клупска статистика
Статистиката е ажурирана на 16 јули 2025.
Remove ads
Наводи
Надворешни врски
Wikiwand - on
Seamless Wikipedia browsing. On steroids.
Remove ads