Александар Белов (пејач)

Александар Белов (роден на 7 февруари 1987 година во Неготино^[1][2]) ― македонски пејач^[3], познат по учеството во академијата на Операција Триумф. Тој бил главен фаворит во академијата и тоа од 13 гала вечери, тој 13 пати бил изгласан за фаворит на публиката, меѓутоа на крајот завршил на третото место. Александар Белов во февруари учествувал на македонскиот избор за песна на Евровизија.

Александар Белов
Роден	Александар Белов 7 февруари 1987(1987-02-07) (38 г.)[1] Неготино, СР Македонија, СФРЈ[1]
Националност	Македонец
Народност	Македонец[1]
Занимање	пејач

Животопис

Завршил основно музичко училиште, отсек виолина. Неговото образование го продолжил и во средното музичко училиште^[3]. Белов свири на виолина и флејта^[1]. Во 2003 година на 16 годишна возраст учествува на тинејџерскиот фестивал „Мегабит“ во Битола со песната „Солзи и тага“. Во својата тинејџерска кариера, тој има повеќе песни како што се: „Рана“, „Седумнаесет“ и др. Иако доста надарен и музикален, Александар не успевал баш најдобро во музиката па се посветувал и на други работи. Во 2008 година, тој решил да го промени сето тоа и се пријавил во шоуто Операција Триумф. Во шоуто учествувале претставници од 5 бивши југословенски земји (сите освен Словенија) и еден од нив бил Александар.

Операција Триумф

Александар се пријавил во Операција Триумф и на негова среќа тој бил еден од избраните кандидати. Тој успеал да влезе во потесниот круг од 16 кандидати на нултата гала вечер, а за тоа доста му помага и неговата брилијантна изведба со Каролина Гочева хитот се „Се лажам себе“. Во следните гали тој исто така има голема чест и пее со доста големи музички имиња од Балканот. Тој успеал многу брзо да го грабне срцето на публиката, а доказ за тоа е тоа што од 13 гали, публиката го избра Александар 13 пати за миленик. Меѓутоа на крајот тој не победил, а завршил на третото место. Можеби една од причините за непобедување е скандалот којшто го направила хрватската Нова ТВ. Имено, на рекламата за гласањето за финалистите на Операција Триумф, наместо бројот на Александар е ставен бројот на Црногорката Нина Петковиќ, со што гласовите дадени за Александар оделе за Нина.

Настапи на Операција Триумф

Гала	Изведувач/и	Песна	Датум	Вистински изведувач
Гала 1	Александар Белов и Каролина Гочева	Се лажам себе	29 септември 2008	Каролина Гочева
Гала 2	Александар Белов и Милица Мајсторовиќ	Чија си	6 октомври 2008	Тоше Проески
Гала 3	Александар Белов и Аднан Бабајиќ	Тако ти је мала моја кад љуби Босанац	13 октомври 2008	Бијело дугме
Гала 4	Александар Белов и Жељко Самарџиќ	Љубавник	20 октомври 2008	Жељко Самарџиќ
Гала 5	Александар Белов и Борис Новковиќ	Тамара	27 октомври 2008	Борис Новковиќ
Гала 6	Александар Белов и Марина Перазиќ	Воли ме још ову ноќ	3 ноември 2008	Денис и Денис
Гала 7	Александар Белов и Дадо Топиќ	Македонија	10 ноември 2008	Дадо Топиќ
Гала 8	Александар Белов	Пјесмо моја	17 ноември 2008	Здравко Чолиќ
Gala 9	Александар Белов	Vertigo	24 ноември 2008	U2
Gala 10	Александар Белов и Емина Јаховиќ	Још ти се надам	8 декември 2008	Емина Јаховиќ
Гала 11	Александар Белов и Аднан Бабајиќ	Има нека тајна веза	15 декември 2008	Бијело дугме
Гала 11	Александар Белов	Тајно моја	15 декември 2008	Тоше Проески
Гала 12	Александар Белов и Нина Петковиќ	Џули/Karma Chameleon	22 декември 2008	Боговиќ/Culture Club
Гала 12	Александар Белов и Горан Каран	Остани	22 декември 2008	Горан Каран
Гала 13	Александар Белов и Аднан Бабајиќ	Скопје	29 декември 2008	Леб и сол
Гала 13	Александар Белов и Сакис Рувас	Shake it	29 декември 2008	Сакис Рувас
Гала 14	Александар Белов	Ти си ми у крви	4 јануари 2009	Здравко Чолиќ
Гала 14	Александар Белов и ЈУ Група	Као Морнар	4 јануари 2009	ЈУ Група
Гала 15	Александар Белов	Красива	5 јануари 2009	Здравко Чолиќ
Гала 15	Александар Белов	Тамара	5 јануари 2009	Борис Новковиќ

Избор на песна за Евровизија 2009

После крајот на Операција Триумф, се разбира не е крајот туку почетокот на кариерата на Александар. Тој се пријави на македонскиот избор за песна на Евровизија. Тој во февруари настапи со песната „Застани, солзи избриши“ чиј автор е Григор Копров. Александар заврши на осмото место.

Избор на песна за Евровизија 2010

После кратка пауза Александар се појавува повторно на музичката сцена и учествува на Македонскиот избор за песна на Евровизија. Тој настапил со песната „Остани“ чиј автор е Симон Трпчески. Александар завршил на третото место.

Ексклузивец на План Б продукција

На 31 март 2010 Александар Белов официјално стана дел од План Б продукција. Својата работа, План Б продукција и Александар Белов, ја крунисале со промовирање на неговата најнова песна, со наслов "Една". Видео записот на песната, под режисерска палка на Дарио Јанковиќ, бил снимен на повеќе локации во Битола. Спотот бил премиерно и ексклузивно прикажан на Сител Телевизија во естрадниот магазин Бекстејџ. Песната станала огромен хит на сите радио и ТВ станици во Македонија. Поради големиот успех, после еден месец, била објавена екс-ју верзија на песната "Једна" за балканските земји.

Песни

• 2008: „Те барам пак“ (Песна снимено пред почетокот на Операција Триумф)
• 2008: „Замисли“ (Песна снимено пред почетокот на Операција Триумф)
• 2009: „Застани, солзи избриши“
• 2009: „Звездо сјајна“
• 2009: „Нема подобро нешто“
• 2009: „Последња мисао моја“
• 2010: „Остани“
• 2010: „Една“
• 2010: „Једна“
• 2010: „Добар дан“
• 2010: „Мојот ангел“ (Охрид-фест 2010)
• 2010: „Бум“ (Макфест 2010)
• 2010: „Оган под ѕвездите“
• 2011: „Далеко“

Надворешни врски

• меѓународен обожавателски клуб и форум на Александар Белов