Балејка

Балејка (грчки: Μπαλαίικα) — село во Солунско, Егејска Македонија, денес во општината Илиџиево на Солунскиот округ во областа Централна Македонија, Грција. Населението брои 35 жители (2011). Ова не е традиционално село, туку никнало како сточарска населба во XX век.^[2]

Балејка Μπαλαίικα
Балејка
Местоположба во областа Балејка Местоположба на Балејка во Солунскиот округ и областа Централна Македонија
Координати: 40°47.27′N 22°46.3′E
Земја	Грција
Област	Централна Македонија
Округ	Солунски
Општина	Илиџиево
Општ. единица	Каваклиево
Надм. вис.	&10000000000000240000000240 м
Население (2011)[1]
• Вкупно	35
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во областа Вардарија, недалеку на југозапад од Коритен (Ѓордино) и 30 км северозападно од Солун. Лежи крај самиот пат кој води од Солун за Кукуш.^[2]

Историја

Населбата за првпат се среќава во пописот од 1928 г. под името Ливадион, со население од 58 жители. Во 1940 г. местото е веќе заведено како село Балејка, во кое тогаш живееле 57 лица.^[2] Се смета дека селото настрадало во Грчката граѓанска војна и било напуштено, бидејќи отсуствува на пописот од 1951 г. Подоцна сточарско население се повратило во Балејка, така што во 1961 г. 60 лица, намалувајќи се на 51 во 1971 и 48 во 1981 г. Во 1991 г. населението се зголемило на 58 жители,^[2] за повторно да се смали на 33 во 2001 и 35 во 2011 г.

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	57	—	60	50	48	58	33	35

Извор за 1940-1991 г.: Т. Симовски, Населените места во Егејска Македонија

Стопанство

Како мала сточарска населба, населението се занимава главно со сточарство.^[2]

Поврзано

• Вардарија